RF: Zabaıkalede 10 adamymen birge órtenip ketken júk kóligi tabyldy
ASTANA. QazAqparakt - RF Zabaıkale ólkesiniń Karym aýdanyndaǵy áskerı qoımada órtenip ketkenderdiń sany 10-ǵa jetti, zardap shekkender - 11. 10 adamymen birge órtenip ketken júk kólik tehnıkalyq aýmaqtan tabyldy, dep habarlaıdy RBK RF Qorǵanys mınıstrliginiń baspasóz qyzmetine silteme jasap.
Azamattyq qorǵanys pen órt qaýipsizdigi aımaqtyq departamentiniń jetekshisi Fedor Kýrgýzkınniń habarlaǵanyndaı, ajal qushqandardyń tórteýi áıel adam bolǵan.
Bolshaıa Týra men Kadahta eldi mekenderiniń mańyndaǵy oq-dári qoımasyndaǵy órt 30 sáýirde túnde oryn alǵan edi. Barlyǵy 20 jarylys tirkelgen. Qoımada trotıl, tankke qarsy jáne jaıaý áskerge qarsy mınalar, jarylǵysh zattar saqtaýly turǵan. Qorǵanys mınıstrliginiń aldyn ala málimetinshe, qyzyl jalyn ormannan bastalyp lezde qoımaǵa qaraı shapqan. Saldarynan áskerı bólim men qoımanyń áskerılendirilgen kúzettiń 8 azamattyq qyzmetkeri ottyń ortasynda qalady. Al materıaldyq tehnıkalyq múlik ortalyǵynyń komandıri olardy qyzmettik júk kóliginiń kómegimen alyp shyǵamyn dep, aqyry otttyń qursaýynda qalyp, shyǵa almaı qalǵan.
Jarylys birneshe turǵyn úıge zııan keltirdi. Shatyrlar buzylyp, mektep terezesiniń shynylary synǵan. Bolshaıa Týra, Kadahta jáne Solontsovo eldi mekenderiniń 280 turǵyny evakýatsııalandy. Oqys oqıǵa Zabaıkale temir joly men Darasýn-Solontsovo avtojolyndaǵy qozǵalystyń toqtaýyna sebep boldy.
Qazirgi ýaqytta órt sóndirildi.
