RF Úkimeti tyıym salynǵan sheteldik ónimderdiń tizimin jarııalady
ASTANA. QazAqparat - Reseıge ákelýge tyıym salynǵan ónimderdiń tizimi jarııalandy. Oǵan AQSh-tan, Eýroodaqtan, Kanadadan, Avstralııadan jáne Norvegııadan ákelinetin taýarlar endi, dep habarlady RBK.
Aıtalyq, iriqara, shoshqa, úı qusy etin, tuzdalǵan etti, keptirilgen jáne qaqtalǵan balyq, shaıan tárizdiler, mollıýskalar endi.
Sondaı-aq sút jáne sút ónimderi, irimshik, súzbe, shujyqtar men etten jasalatyn osyndaı ónimder, kókónis, tamyrjemistiler, jemister jáne jańǵaq ónimderin ákelý de shekteledi.
«Bizdiń agrarshylar úshin damýǵa qosymsha múmkindikter týyndap otyr", dep málimdedi Medvedev Úkimet otyrysynda atalǵan qujatty jarııalaý barysynda.
Reseı Prezıdenti Vladımır Pýtın 6 tamyzda RF-ǵa qarsy sanktsııalarǵa qosylǵan elderden aýyl sharýashylyǵy, shıkizat jáne azyq-túlik ónimderiniń keıbir túrlerin ımporttaýǵa tyıym salynǵan jarlyqqa qol qoıdy, ol kúshine endi. Qujatqa sáıkes Úkimet usynysymen bir jylǵa tyıym salynǵan ımport sanktsııaǵa baılanysty jaǵdaı ózgerse, qaıta qaralýy múmkien.
Tyıym salýǵa ushyraǵan sheteldik ónimder otandyq taýarlarmen almastyrylady, dedi keshe RBK-ǵa Qoǵamdyq palatanyń hatshysy, Halyqtyq maıdan ortalyq shtabynyń teń tóraǵasy Aleksandr Brechalov. Onyń aıtýynsha, elde óndiristi ulǵaıtýǵa qýattar jetedi. Sonymen qatar, sanktsııaǵa qosylmaǵan elderden taýarlar ákelinýi múmkin. Aýyl sharýashylyǵy mınıstri Nıkolaı Fedorovtyń aıtýynsha, bul shara taýarlar jetkiliksizdigine ákep soqpaıdy.
