RF Túmen oblysy densaýlyq saqtaý salasynda Qazaqstan tájirıbesin qoldanatyn bolady
ASTANA. QAZAQPARAT - RF Túmen oblysy densaýlyq saqtaý júıesiniń jumystaryn uıymdastyrýda jáne medıtsınalyq kadrlardy daıarlaýda Qazaqstannyń tájirıbesin qoldanatyn bolady dep habarlaıdy aımaq gýbernatorynyń saıty.
«Túmen oblysynyń Úkimeti Qazaqstannyń AQSh-ta qabyldanǵan densaýlyq saqtaý jáne medıtsınalyq kadrlardy daıarlaýdy uıymdastyrý júıesine qalaı kóshetinin erekshe qadaǵalaıtyn bolady. Qazaqstannyń tájirıbesin muqııat zerttegennen keıin qoldanysqa engiziletin densaýlyq saqtaýdy uıymdastyrýdyń keıbir tetikterin Tıýmen oblysynda iske qosýǵa bolady»,- deıdi Túmen oblysynyń gýbernatory Vladımır ıAkýshev Qazaqstan elordasy - Astanaǵa kelgen tıýmendik delegatsııanyń issapary barysyn qorytyndylaı kele.
Onyń aıtýynsha, delegatsııa issapar barysynda Nazarbaev Ýnıversıtetiniń Medıtsına mektebine bas tiregen.
«Bul biz úshin óte mańyzdy boldy. Mundaǵy másele medıtsına jumystaryna mamandardy qalaı sapaly daıarlaý ǵana emes, dese de bul keleli másele, men de bul týraly birneshe márte aıtqan edim. Másele densaýlyq saqtaýdyń jalpy júıesiniń jumysyn qalaı uıymdastyrýda bolyp otyr. Bular - ózara baılanysty protsester. Densaýlyq saqtaý salasyn basqarý óte aýyr»,- dep atap ótti gýbernator.
Vladımır ıAkýshev Reseı de, Qazaqstan Respýblıkasy da densaýlyq saqtaýdy basqarýdyń óz júıelerin qaıta qalyptastyratynyn eskertti. Aımaq basshysy «Qazaqstan medıtsınalyq kadrlardy - dáriger-mamandardan bastap orta býyndy medıtsına qyzmetkerlerine deıin AQSh-ta qabyldanǵan úlgige sáıkestendire otyryp, olardy daıarlaý júıesine basymdyq beredi. Ázirge tek alǵashqy qadamdaryn jasaýda, al bizdi budan qandaı nátıje shyǵatyny qyzyqtyrady», - dep, alǵan áserimen bólisti.
Nazarbaev Ýnıversıtetiniń Medıtsına mektebiniń basshylyǵymen kezdesýge Tıýmen oblysy densaýlyq saqtaý departamentiniń jáne óńirdiń aldyńǵy qatarly klınıkalary basshylarynyń qatysqanyn atap ótkimiz keledi.
