RF Tergeý komıteti «Lýkoıl Oversız Qazaqstan» top-menedjeri qyzynyń ólimin rastady
ASTANA. 12 mamyr QazAqparat - RF Tergeý komıteti «Lýkoıl Oversız Qazaqstan» top-menedjeri Robert Teslıýktiń 2011 jyldyń naýryzynda joǵalyp ketken qyzynyń qaza bolǵanyn rastady, dep habarlaıdy RBK.
RF Tergeý komıtetiniń BAQ-pen ózara yntymaqtastyq basqarmasynda habarlanǵandaı, 16 jasar Vıktorııa Teslıýk bas súıek-mı jaraqaty men bas súıektiń synýy saldarynan kóz jumǵan.
VESTI.ru jazǵandaı, Vıktorııa Teslıýktiń jeke basyn taný úshin genetıkalyq saraptama jasaý qajet boldy, óıtkeni máıitti aıýandyqpen qorlaǵan jáne týǵan-týystary múrdeni taný úrdisine qatysa almady.
Vıktorııa Teslıýk 2011 jyldyń 26 naýryzynda tańerteń Máskeý oblysy Mytışınsk aýdanyndaǵy úıinen shyǵyp ketkenin eske salyp ótemiz. Odan keıin ony eshkim kórmegen edi.
«Lýkoıl Oversız Qazaqstan» top-menedjeriniń 16 jasar qyzy Vıktorııa Teslıýktiń máıiti Taldom qalasyna jaqyn mańda ormanda tabylǵany týraly habarlanǵan bolatyn.
