RF-te apatqa ushyraǵan OQO avtobýsy reısti tapsyrys boıynsha oryndaǵan
ASTANA. QazAqparat - Reseı Federatsııasynyń Vladımır oblysynda apatqa ushyraǵan avtobýs turaqty emes reısterdi oryndap júrdi. Bul týraly QR Investıtsııalar jáne damý mınıstrligi baspasóz qyzmeti málim etti, dep habarlaıdy QazAqparat.
Vedomstvo málimetine qaraǵanda, avtobýs 1990 jyly shyqqan. Mersedes markaly bul kóliktiń memlekettik nómiri 668UOA13, jolaýshylarǵa arnalǵan 54 orny bar.
«Avtobýstyń ıesi retinde 1986 jyly týǵan Dosjan Orazgeldıev tirkelgen. Mekenjaıy: OQO, Saryaǵash aýdany, Derbisek aýyly. Al osy jolaýshylar kóliginiń júrgizýshileri 1970 jylǵy Danııar Shildebaev jáne 1977 jyly týǵan Nurǵalı Sarmanov bolǵan. Olar Reseıge 2017 jyldyń 29 qyrkúıegi kúni «Jaısań» shekarasy arqyly ótken. Turaqty emes reısterdi júzege asyrady. Osy jolǵy reısti tapsyrys boıynsha oryndaǵan», - delingen mınıstrlik habarlamasynda.
Aıta keteıik, Reseı Federatsııasynyń Vladımır oblysynda Qazaqstannan shyqqan avtobýs jol apatyna ushyraǵany týraly buǵan deıin habarlaǵan edik. Vladımır oblystyq TJM-niń málimetterine súıensek, apatqa ushyraǵan avtobýsta 55 Ózbekstan azamaty jáne 2 júrgizýshisi qazaqstandyq bolǵan.
Foto:MChS Rossıı
