RF Syrtqy ister mınıstri S. Lavrov Qazaqstanǵa keledi
ASTANA. Aqpannyń 12-si. QazAqparat /Ernur Aqanbaı/ - Aqpannyń 21-22-si kúnderi Reseı Federatsııasynyń Syrtqy ister mınıstri Sergeı Lavrovtyń Qazaqstanǵa sapary ótedi. Bul týraly búgin Astanadaǵy brıfıngte QR Syrtqy ister mınıstrliginiń resmı ókili Asqar Ábdirahmanov málim etti,
dep habarlaıdy QazAqparat.
«Reseı syrtqy saıasat vedomstvosy basshysynyń sapary baǵdarlamasynda saıası, ekonomıkalyq jáne mádenı-gýmanıtarlyq yntymaqtastyq máselelerin talqylaý úshin bizdiń elimizdiń basshylyǵymen kezdesýleri josparlanǵan», dedi A. Ábdirahmanov.
Onyń aıtýynsha, sapardyń kún tártibine eki jaqty yntymaqtastyqqa, sondaı-aq halyqaralyq uıymdar aıasyndaǵy kópjaqty is-qımylǵa qatysty ózekti máselelr engizilip otyr. «Sapardyń ózektiligi Qazaqstan men Reseı arasynda qol jetkizilgen yntymaqtastyqty tereńdetý, sondaı-aq eki el arasyndaǵy kóp qyrly baılanysty damytý, qurlyqtaǵy saıası turaqtylyq máselesin sheshý múmkindikterin keńeıtý, eki eldiń barlyq baǵyttaǵy múmkindikterin tolyq ashý qajettiligimen túsindiriledi», dedi resmı ókil.
