RF SІM: TJM ushaqtary Nepaldan 90 reseılik azamatty kóshirdi, arasynda 8 qazaqstandyq bar
ASTANA. QazAqparat - Sáýirdiń 29-na qaraǵan túni Katmandý halyqaralyq áýejaıyna Nepaldaǵy kúshti jer silkinisiniń saldarynan eń kóp zardap shekken aýdandarynda izdeý-qutqarý is-qımyldaryn ótkizý úshin qajetti jabdyqtary men quraldary bar Reseı TJM-niń qyzmetkerler tobyn jetkizgen reseılik eki Il-76 ushaǵy qondy.
«Nepal tarapynan reseılik qutqarýshylarǵa olardyń joǵary kásibıligine sáıkes keletin jumys ýchaskesi anyqtaldy. Nepaldyń bılik kózderine- azyq-túlikter men birinshi qajettilik zattary tıelgen gýmanıtarlyq júkterdiń partııasy tapsyryldy», - dep atap ótti mınıstrlikten.
«TJM ushaqtarynyń keri qaıtatyn reısteri Nepaldan ketýge nıettengen Reseıdiń 90 azamatyn kóshirdi. Olardan basqa Ýkraınanyń 11 azamaty, Qazaqstannyń 8 azamaty, Tájikstannyń 8 azamaty, Latvııanyń 4 azamaty, Izraıldiń 3 azamaty, Belarýstiń 2 azamaty jáne Frantsııanyń 2 azamaty shyǵaryldy», - dep aqparattandyrdy dıplomatııalyq vedomstvodan.
25 sáýirde Nepalda magnıtýdasy 7,9 bolǵan jer silkinisi oryn aldy. Negizgi jer silkinisinen keıin magnıtýdasy azdaý taǵy 67 jerasty dúmpýi tirkelgen. El polıtsııasynyń bergen málimetterinshe, tabıǵı apat saldarynan opat bolǵan adamdardyń sany 5 myńnan, zardap shekkender sany 10 myńnan asty. Sondaı-aq jerasty dúmpýleri Úndistannyń astanasynda, 60 adam qaza taýyp, 250-ge jýyq adam zardap shekken bul eldiń soltústik jáne soltústik-shyǵys shtattarynda, sonymen qatar Mıanma, Bangladesh jáne Tıbette de sezildi.
