RF Prezıdentiniń kómekshisi «Dostyq» ordenimen marapattaldy
MÁSKEÝ. QazAqparat - Búgin Qazaqstannyń Máskeýdegi Elshiliginde Qazaqstan Respýblıkasynyń Reseı Federatsııasyndaǵy Tótenshe jáne Ókiletti Elshisi Imanǵalı Tasmaǵambetov RF Prezıdentiniń kómekshisi ıÝrıı Ýshakovqa IІ dárejeli "Dostyq" ordenin tapsyrdy, dep habarlaıdy QazAqparat Máskeýdegi QR elshiligine silteme jasap.
Marapattaý rásimi barysynda dıplomatııalyq mıssııa basshysy Memleket basshysy Nursultan Nazarbaevtyń Jarlyǵymen "Qazaqstan men Reseı arasyndaǵy qarym-qatynastardy nyǵaıtýǵa qosqan zor úlesi úshin" reseılik saıasatker joǵary nagradaǵa laıyq ekenin habarlady.
Óz kezeginde, ıÝrıı Ýshakov joǵary nagrada úshin Qazaqstan basshylyǵyna alǵysyn bildirip, áriptestermen birge elder arasyndaǵy baýyrlas qatynastardy, memleket basshylary arasyndaǵy dostyqty damytý men nyǵaıtý úshin qolynan kelgenshe qyzmet atqaratyna sendirdi.
"Dostyq" ordeni - Qazaqstan Respýblıkasynyӊ joǵary nagradalarynyӊ biri. Bul ordenmen qoǵamdaǵy ultaralyq jáne azamattyq tatýlyqty saqtaýda jemisti jumys atqarǵan, halyqtar arasyndaǵy beıbitshilikti, dostyq pen yntymaqtastyqty nyǵaıtýǵa eӊbek siӊirgen azamattar marapattalady.
