RF prezıdentin ulyqtaý rásimi: Pýtın Reseı halqyna ant berdi
ASTANA. QazAqparat - Vladımır Pýtın Úlken Kreml saraıyndaǵy Andreev zalynda memleket basshysy qyzmetine tórtinshi ret saılana otyryp, Reseı halqyna ant berdi, dep jazady TASS.
Pýtın RF Konstıtýtsııasyna oń qolyn qoıa otyryp, prezıdenttik anttyń mátinin oqydy: «Reseı Federatsııasy prezıdentiniń ókildigin júzege asyrý kezinde adam jáne azamat quqyǵy men bostandyǵyn qurmetteýge jáne kúzetýge, Reseı Federatsııasy Konstıtýtsııasyn saqtaýǵa jáne qorǵaýǵa, egemendik pen táýelsizdikti, memlekettiń qaýipsizdigi men tutastyǵyn qorǵaýǵa, halyqqa adal qyzmet etýge ant etemin».
Osylaısha, Vladımır Pýtın Reseı prezıdenti qyzmetine resmı túrde kiristi. Ony Konstıtýtsııalyq sottyń tóraǵasy Valerıı Zorkın jarııalady.
Bul Pýtınniń memleket basshysy laýazymyndaǵy tórtinshi merzimi. Onyń alǵashqy eki merzimi tórt jyldan jalǵasty. Reseı Konstıtýtsııasyna ózgeris engizilgennen keıin, memleket basshysy laýazymy alty jylǵa sozylǵan bolatyn. Onyń ókildiginiń jańa merzimi 2024 jyly 7 mamyrda aıaqtalady.
Pýtınniń ant qabyldaǵan Konstıtýtsııanyń danasy 1996 jyly Reseı prezıdenti qyzmetine alǵash ret kiriskende arnaıy jasalǵan jáne ol barlyq memleket basshylarynyń ulyqtaý rásiminde qoldanylyp keledi.
Reseı prezıdentiniń anty bárin qosqanda, 33 sózden turady. Memleket basshysy antynyń sózi onyń mártebesi sııaqty RF Konstıtýtsııasynyń tórtinshi bóliminde belgilengen.
Foto: Dmıtrıı Astahov/TASS
