RF prezıdentin saılaý: Qazaqstan qalalarynda reseılikter daýys berip jatyr

Buǵan deıin QR-daǵy RF elshiligi baspasóz qyzmetiniń habarlaǵanyndaı, Qazaqstandaǵy Reseı elshiliginiń jáne bas konsýldyqtarynyń janyndaǵy saılaý ýchaskeleri kelesi jerlerde ornalasqan:

1.Astana - Reseı ǵylym jáne mádenıet ortalyǵy;

2. Aqtaý - Abaı atyndaǵy mádenı keshen;

3. Aqtóbe - Oqýshylar saraıy;

4. Almaty - Reseıdiń Bas konsýldyǵy;

5. Atyraý - Qurmanǵazy atyndaǵy Mádenıet úıi;

6. Qaraǵandy - Kenshiler mádenıet úıi;

7. Kókshetaý - «Kókshetaý» mádenıet úıi;

8. Qostanaı - Oblystyq Dostyq úıi;

9. Pavlodar - Estaı atyndaǵy Mádenıet saraıy;

10. Petropavl - Sátpaev kóshesi, 37 úı;

11. Prıozersk - 97-shi Ofıtserov úıi;

12. Semeı - Balalar pen jastar shyǵarmashylyq saraıy;

13. Taldyqorǵan - І.Jansúgirov atyndaǵy mádenıet saraıy;

14. Taraz - № 8 Tóle bı atyndaǵy mektep-gımnazııa;

15. Oral - Musıt kóshesi, 78 úı;

16. Óskemen - Reseıdiń Bas konsýldyǵy;

17. Shymkent - Oqýshylar saraıy.

Sonymen qatar, Qordaıda (16 naýryz) jáne Qyzylordada (15 naýryz) merziminen buryn kóshpeli daýys berý uıymdastyrylǵan.

Qazaqstandaǵy Reseıdiń elshisi Alekseı Borodavkınniń TASS-qa habarlaýynsha, Qazaqstanda RF-daǵy prezıdent saılaýynyń zańǵa sáıkes ótkizilýine barlyq jaǵdaı jasalǵan. Onyń bergen aqparatyna sáıkes, konsýldyqtyń esebinde Qazaqstanda turaqty túrde turyp jatqan 65 myń reseılik tirkelgen.

Sonymen qatar, RF azamattary Qazaqstandaǵy bıznes-qurylymdarda eńbek etip, bilim tájirıbesin bólisý jumystaryna qatysýda. Memlekettik mekemeler jelisinde issaparda júrgender de bar.

«Saılaý protsesiniń uıymdastyrylýyna, qaýipsizdikti qamtamasyz etip, saılaý ýchaskeleriniń kúzetilýine qazaqstandyq áriptester kómekteskenin atap ótý kerek. Qazaqstannyń ártúri qalalarynda - 18 saılaý ýchaskesi men Baıqońyr aýmaǵynda taǵy birneshe saılaý ýchaskesi bar», - dedi ol.

Elshiniń aıtýynsha, Astanadaǵy saılaý ýchaskesiniń ashylýynyń alǵashqy kezeńinde 50 adam kelip daýys berip ketken. Saılaýshylardyń belsendiligi erekshe bolyp otyr.

Eske sala ketsek, búgin Reseıde prezıdent saılaýy ótip jatyr. 2018 jyldyń 1 qańtaryndaǵy málimetterge sáıkes, Ortalyq saılaý komıteti daýys berýge quqyly 110 mıllıon 858 myń 228 saılaýshynyń baryn jarııalaǵan. Olardyń 108 mıllıon 968 myń 869-y Reseıde, 1 mıllıon 889 myń 359 adam shetelde daýys bere alady.

RF SІM resmı ókili Marııa Zaharovanyń habarlaýynsha, álemniń 145 elindegi 378 ýchaskede reseılik azamattar saılaýǵa qatysa alady.

Memlekettiń prezıdenttigine: LDPR kóshbasshysy Vladımır Jırınovskıı, KPRF atynan bıznesmen Pavel Grýdının, «Grajdanskaıa ınıtsıatıva» partııasynyń telejúrgizýshisi Ksenııa Sobchak, «ıAbloko» partııasynyń negizin qalaýshy Grıgorıı ıAvlınskıı, bıznes-ombýdsmen, Rost partııasynyń tóraǵasy Borıs Tıtov, «Kommýnısty Rossıı» partııasynyń atynan Maksım Sýraıkın, «Rossııskıı obşenarodnyı soıýz» partııasynyń kóshbasshysy Sergeı Babýrın, sonymen qatar, qazirgi prezıdent Vladımır Pýtın túsip jatyr. Pýtındi «Edınaıa Rossııa», «Spravedlıvaıa Rossııa», «Rodına», «Patrıoty Rossıı» partııalary men qoǵamdyq uıymdar qoldap otyr.