RF prezıdenti: Qyrǵyzstanda ekinshi Aýǵanstan paıda bolýy múmkin
ASTANA. Sáýirdiń 14-i. QazAqparat - Vashıngtondaǵy Brýkıng ınstıtýtynda saıası jáne bıznes zııalylarymen kezdesýde sóılegen Reseı prezıdenti Dmıtrıı Medvedev, «Qyrǵyzstanda azamattyq soǵysqa jol berýge bolmaıdy, áıtpese onda ekinshi Aýǵanstan paıda bolýy yqtımal»,
dep málimdedi, deıdi RBK habarlamasynda.
Prezıdenttiń aıtýynsha, Qyrǵyzstannyń soltústik pen ońtústikke bóliný qaýpi ábden múmkin, dál qazir eń bastysy - respýblıkada azamat soǵysyna jol bermeý, eger bul bastalar bolsa, mundaı keńistikke «neshe túrli lańkester men ekstremıster tarpa bas salady».
«Onda Qyrǵyzstannyń ornynda ekinshi Aýǵanstan paıda bolýy yqtımal. Bizdiń mindetimiz - qyrǵyzdyq áriptesterimizge jaǵdaıdan shyǵýdyń eń jaıly jolyn tabýǵa kómektesý», - dep esepteıdi reseılik basshy.
«Qyrǵyzstan taǵy bir kezek zańsyz damý kezeńinen ótýde, ókinishke oraı, buǵan jaýapkershilikti qoǵamdy biriktirý úshin tıisti kúsh-jiger jumsamaǵan, oppozıtsııamen kelisimge kele almaǵan, ekonomıkalyq isterdi júzege asyra almaǵan Qyrǵyzstannyń óz bıligi moıyndaryna alýy tıis», - dedi D. Medvedev. Ol, Qyrǵyzstannyń burynǵy prezıdentiAsqar Aqaevty da «oppozıtsııa taǵynan taıdyrǵandyǵyn» eske salyp ótti.
