RF Prezıdenti Іs basqarmasynyń aýrýhanasynda tótenshe oqıǵa oryn aldy
ASTANA. Qyrkúıektiń 6-sy. QazAqparat - Máskeýdiń Mıchýrın dańǵylynda ornalasqan RF Prezıdenti Іs basqarmasynyń aýrýhanasynda tótenshe oqıǵa oryn aldy - aýrýhananyń tóbe jabyny qulap ketti, dep habarlaıdy RBK agenttigi quqyq qorǵaý organdaryna silteme jasap.
Anyqtalǵandaı, aýrýhanada jumysshylar terezelerdi buzyp jatqan kezde, olardyń ústinen tóbedegi beton arqalyq qulap ketken. Oqıǵa saldarynan 1 adam qaza tapty, taǵy eki adam jaralandy. Jaraly ekeý aýrýhanaǵa jatqyzyldy.
Reseı Tótenshe jaǵdaılar mınıstrliginiń Máskeý qalasy boıynsha bas basqarmasy ázirge bul oqıǵaǵa qatysty eshqandaı túsindirme bergen joq.
