RF Prezıdenti Dmıtrıı Medvedev búgin tikeleı efırden aıaqtalar jyldyń qorytyndysyn shyǵarady
ASTANA. 24 jeltoqsan. QazAqparat - RF Prezıdenti Dmıtrıı Medvedev búgin tikeleı efırden aıaqtalar jyldyń qorytyndysyn shyǵarady. Osydan dál bir jyl burynǵydaı, memleket basshysy Ostankıno teleortalyǵyna kelip, sońǵy on eki aı boıy istelgen jumystardyń qorytyndysyn shyǵaryp, kelip túsken suraqtarǵa jaýap beredi, dep habarlaıdy BNews aqparat agenttigi.
Bul Dmıtrıı Medvedevtiń tikeleı efırden berip otyrǵan úshinshi suhbaty. Al osy formatta ol telejornalshylarmen onǵa tarta áńgime-dúken qurdy. 2009 jyldyń basynda ol ózi bastap, «Dmıtrıı Medvedevpen áńgime» tsıkliniń júrgizilýine muryndyq bolǵan bolatyn. Osy habarda ol eldegi jaǵdaılarǵa jan jaqty úńilip, halyqqa aldaǵy mejeler týraly barynsha áńgimeleıtin. Ol kezde habar aldyn ala jazylyp alynyp taratylatyn.
