RF premeri EAEO elderine tsıfrlyq tehnologııa salasynda birqatar usynys aıtty

ALMATY. QazAqparat – RF Úkimetiniń tóraǵasy Mıhaıl Mıshýstın Reseı Federatsııasynyń EAEO elderimen tsıfrlyq tehnologııa salasyndaǵy tájirıbesimen bólisýge ázir ekendigin aıtty, dep habarlaıdy QazAqparat tilshisi.

«Áriptester, Reseı tsıfrlyq tehnologııa salasynyń kóshbasshysy retinde EAEO boıynsha áriptes eldermen ozyq tájirıbemizben bólisýge daıyn ekendigin aıtqym keledi. Bizde osy salada ortaq kún tártibi bolýy kerek. Óıtkeni tsıfrlyq tehnologııalar ǵalamdyq básekeniń mańyzdy elementine aınaldy. Biz bul básekege tótep berý túgili jeńip shyǵýymyz kerek», - dedi Mıhaıl Mıshýstın Almatyda ótip jatqan «Jahandyq ekonomıkanyń tsıfrlyq bolashaǵy» forýmynda.

RF ókili Odaqtyń 4 bostandyǵy: jumys kúshiniń qozǵalysy, qarajat qozǵalysy, tovarlar men qyzmetter qozǵalysy ortaq tsıfrlyq platformada toǵysýy tıis ekendigin aıtty.

Qazir EAEO elderi jumyspen qamtý júıesiniń ýnıfıkatsııasy, tsıfrlyq kóliktik dálizderdiń ekojúıesin, taýarlardyń markerlenýiniń júıesi, keden salyq bank máseleleri boıynsha aqparat almasý máselelerin talqylaýda.

«Tsıfrlandyrý ǵalamdyq básekelestiktiń negizgi kiltine aınaldy. Bul bizdiń elderimizdiń aldynda adamdardyń ómiri men bıznes júrgizýin jeńildetýge ambıtsıozdy tapsyrmalardy qoıýdy mindetteıdi.

«Birinshiden, bizdiń Odaqta tsıfrlyq birizdendirý júıesin qalyptastyrý kerek. Árıne, bul oraıda Odaq sheńberinde elektrondy tsıfrlyq qoltańba engizý máselesi de kúntártibine shyǵady. Ekinshiden, kez kelgen aqparattyq júıeniń basty elementi - málimetterdiń qorǵanysy. Barlyq elektrondy qujat aınalymy senimdi ámbebap memleketaralyq ortada aınalýy kerek. Áıtpese biz bir-birimizdi tanýdan qalamyz. Bul dezıntegratsııa qaýpin týdyrady», - dedi ol.

RF premeri úshinshi pýnkt retinde taýarlar men qyzmetterdiń Odaq sheńberinde qozǵalysyn kórýdi tsıfrlandyrýdy atady.

Sonymen qatar, onyń aıtýynsha, tsıfrlyq tehnologııalardy damytýǵa barlyq tehnologııalyq resýstar men múmkindikterdiń ınventarızatsııasyn júrgizý abzal. Ortaq quzyrly jáne tsıfrlyq tehnologııalar salasyndaǵy startaptardy qoldaıtyn ortalyq ashý kerek.

Aıta ketý kerek, Almatyda «Jahandyq ekonomıkanyń tsıfrlyq bolashaǵy» forýmy ótip jatyr.

Bul sharaǵa Armenııa, Belarýs, Qazaqstan, Qyrǵyz Respýblıkasy, Reseı Federatsııasynyń, Moldova úkimetiniń basshylary men premer-mınıstrleri qatysyp jatyr.

Mańyzdy kezdesýde kún tártibine 12 másele qoıylǵan.