RF Orynbor oblysyndaǵy jarylysqa baılanysty gaz berý toqtatyldy – Energetıka mınıstrligi

ORAL. QazAqparat – 23 aqpan kúni Reseı Federatsııasyndaǵy «Soıýz» magıstraldyq gaz qubyrynyń 108 shaqyrymynda jarylys boldy, dep habarlaıdy QazAqparat tilshisi.

QR Energetıka mınıstrliginiń baspasóz qyzmeti málim etkenindeı, osyǵan baılanysty Qazaqstan Respýblıkasynyń aýmaǵy arqyly ótetin «Soıýz» jáne «Orynbor-Novopskov» magıstraldyq gaz qubyrlary arqyly gaz berý toqtatyldy.

Tıisinshe Orynbor gaz óńdeý zaýytynan Reseı gazynyń tranzıti jáne Qarashyǵanaq gazyn jetkizý toqtatyldy.

«Batys Qazaqstan oblysynyń tutynýshylaryn gazben jabdyqtaý úshin «Orta Azııa – Ortalyq» magıstraldyq gaz qubyrynan resýrstardy qaıta baǵyttaý boıynsha jumystar júrgizilýde. Qazaqstan Respýblıkasynyń gaz tasymaldaý júıesiniń barlyq obektileri shtattyq rejımde jumys istep jatyr. Atalǵan jaǵdaı QR Energetıka mınıstrliginiń baqylaýynda», dep habarlady QR Energetıka mınıstrliginiń baspasóz qyzmeti.