RF Ortalyq muraǵaty UOS ýaqytyndaǵy qupııa qujattardy jarııa etti
ASTANA. QazAqparat - Reseı Federatsııasy Qorǵanys mınıstrliginiń Ortalyq muraǵaty Ekinshi dúnıejúzilik soǵys kezeńindegi barlyq derlik qupııa isterdi jarııa etti. Qupııa retinde 10 mln qujattyń 2 myńǵa jýyǵy ǵana qalyp otyr. Bul týraly muraǵattyń bas qujattanýshysy Vıktorııa Kaıaeva málim etti, dep habarlaıdy QazAqparat TASS agenttigine silteme jasap.
«Ortalyq muraǵat qupııa qujattardy jarııa etý boıynsha josparly jumys júrgizýde. Búgingi kúni «qupııa» tańbasy bar ister kóp qalmady - 2 myńnan sál astam», - dedi Kaıaeva.
Onyń atap ótýinshe, muraǵatta Ekinshi dúnıejúzilik soǵys kezeńindegi 10 mln.-ǵa jýyq is saqtaýly. Bastapqyda olardyń barlyǵynda «qupııa» tańbasy bolǵan. «Bul, qujattarda qandaı aqparattyń bolǵanyna qaramastan, olardy saqtap qalý maqsatynda jasaldy», - dep naqtylady ol.
Sondaı-aq málim bolǵandaı, muraǵat qoǵamǵa qyzyqty degen jekelegen qujattardy óz betimen jarııalaı almaıdy. Olar boıynsha sheshimdi Ortalyq sarapshylar komıssııasy qabyldaýy tıis.
