RF Omby oblysy gýbernatorynyń terrıtorııa almasý usynysy týraly QR SІM túsinikteme berdi
ASTANA. QazAqparat - QR Syrtqy ister mınıstrligi Reseı Federatsııasy Omby oblysynyń gýbernatory V. Nazarovtyń Qazaqstanmen terrıtorııa almasý boıynsha usynysy týraly túsinikteme berdi. Bul týraly QR SІM baspasóz qyzmetinen habarlady.
«Reseı Federatsııasy Omsk oblysynyń gýbernatory V. Nazarovtyń Qazaqstanmen terrıtorııa almasý boıynsha usynysy týraly aqparatqa nazar aýdardyq.
QR men RF arasyndaǵy memlekettik shekarany demarkatsııaǵa qatysty máseleler tek qana memlekettik shekarany demarkatsııalaý boıynsha Birlesken qazaqstandyq-reseılik komıssııanyń quzyretine jatatyndyǵyn habarlaımyz. Osy komıssııadaǵy RF delegatsııasy Qazaqstanǵa mundaı usynys jasaǵan joq.
Reseılik tarap usynys jasaıtyn bolsa, másele qalyptasqan kelissózder úderisi jáne halyqaralyq tájirıbege sáıkes qarastyrylatyn bolady», - dep jazylǵan habarlamada.
