RF-nyń DSU-ǵa kirýi Reseıdiń álemdik ekonomıkaǵa aldaǵy ıntegratsııasy úshin mańyzdy qadam bolyp tabylady - Eýroodaq
BRıÝSSELЬ. 23 tamyz. QazAqparat - Reseıdiń Dúnıejúzilik saıda uıymyna kirýi bul eldiń álemdik ekonomıkaǵa aldaǵy ıntegratsııasy úshin mańyzdy qadam bolyp tabylady.
Bul týraly aǵymdaǵy jyldyń 22 tamyzynda Reseıdiń DSU-ǵa resmı túrde kirýine baılanysty saýda boıynsha eýrokomıssar Karel de Gıýht málimdedi.
«Bul saýdadaǵy ınvestıtsııalarǵa septigin tıgizip, Reseı ekonomıkasynyń jańǵyrtylýyn jyldamdatýǵa kómektesedi, sondaı-aq reseılik jáne eýropalyq kompanııalardyń bıznesi úshin kóptegen múmkindikter beredi. Reseıdiń halyqaralyq saýda erejeleri men úlgilerine jaýap beretinine senimdimin», - dedi K.de Gıýht.
Eýrokomıssııanyń málimetterinshe, Reseıdiń DSU-ǵa kirýinen keıin tarıfterdiń jalpy tómendeýi Eýroodaq eksporttaýshylary úshin jylyna 2,5 mıllıard eýro ımporttyq bajdy únemdeýge qol jetkizedi. Budan basqa, tarıfterdiń tómendeýi EO-tyń RF-na jylyna 3,9 mıllıard eýro shamasyndaǵy qosymsha eksportyn yntalandyrýǵa múmkindik beredi.
Esterińizge sala keteıik, Reseı Federatsııasynyń 1994 jylǵy 15 sáýirdegi Dúnıejúzilik saýda uıymynyń Marrakesh kelisimine qosylýy týraly hattama 2012 jyldyń 22 tamyzynda óz kúshine endi. Bul kúni Reseı resmı túrde DSU-nyń 156-shy múshe memleketi boldy.
