RF Novosibir oblysynan Qazaqstanǵa 80 tonna pııaz qaıtaryldy
ASTANA. QazAqparat - Reseı aýyl sharýashylyǵyn baqylaý basqarmasynyń ınspektorlary bir aptanyń ishinde Qazaqstannan Reseıge túıindi pııazdy tórt ret zańsyz alyp ótý áreketiniń izin kesti. Ustalǵan júktiń jalpy salmaǵy 80 tonnany quraıdy, dep habarlady Novosibir oblysy boıynsha Reseı aýyl sharýashylyǵyn baqylaý basqarmasynan.
Sońǵy oqıǵa jeksenbi kúni bolǵan. Qazaqstan Respýblıkasynan avtokólikpen Novosibir oblysynyń aýmaǵyna ári qaraı Krosnoıarsk qalasyna tasymaldaý úshin zańsyz 20 tonna túıindi pııaz alyp ótpek bolǵan.
«Novosibir oblysy boıynsha Reseı aýyl sharýashylyǵyn baqylaý basqarmasynyń ınspektorlary «Qarasýyq» fıtosanıtarlyq baqylaý beketinde júrgizilgen tekserý barysynda ónim týraly aqparattyń, onyń qaı jerde óndirilgendigi, qaptamasynda tańbalanýdyń bolmaǵanyn anyqtady», - delingen basqarmanyń habarlamasynda.
Karantındik zańnamanyń talaptaryna sáıkes, Reseı aýmaǵyna fıtosanıtarlyq qaýpi joǵary ónimdi tasymaldaýǵa tyıym salyndy. Júk Qazaqstanǵa keri qaıtaryldy.
