RF men QR qyzmetteri «Soıýz 2.1a» zymyranynyń ushyrylymyna daıyndalýda

BAIQOŃYR. QazAqparat - 2017 jyldyń 14 shildesinde «Soıýz 2.1a» zymyran tasymaldaǵyshynyń ushyrylymyna Baıqońyr ǵarysh aılaǵy qyzmetteri ǵana emes, zymyran tasymaldaǵyshynyń bólingen bólshekteri qulaıtyn aýmaqtarǵa qyzmet kórsetetin arnaıy bólimsheler de daıyndalyp jatyr, dep habarlaıdy «QazAqparat» HAA tilshisi.

14 maýsym kúni daladaǵy órtti sóndirý kezinde adamdar qaza bolǵannan keıin,  Reseı tarapy jalǵa alǵan aýmaqtarda qosymsha qaýipsizdik sharalaryn qolǵa alýda.  

«QazAqparat» tilshisine Qazǵaryshtan málim etkendeı, ǵaryshtyq ushyrylymnyń qaýipsizdigine jaýapty Qazaqstan men Reseı qyzmetteri Aqtóbe oblysy Yrǵyz aýdany jáne Qostanaı oblysyndaǵy Amangeldi aýdandarynyń shekarasyna tolyq ornalasty. Baıqońyr ǵarysh aılaǵynan ushyrylatyn «Soıýz 2.1a» zymyranynan bólingen bólshekterdiń qulaý aýmaqtary naq osy jerlerde ornalasqan.

Reseılik «Kanopýs V- IK» spýtnıgi bar «Soıýz 2.1a» zymyran tasymaldaǵyshynyń ushyrylymy Baıqońyr ǵarysh aılaǵynyń №31 alańynan 14 shilde kúni Astana ýaqytymen 12 saǵat 36 mınýtqa josparlanǵan.