RF Memlekettik dýmasynyń vıtse-spıkerleri Astanadaǵy № 81 saılaý ýchaskesinde boldy
«Men búgin saılaý ýchaskelerindegi jaǵdaıǵa tańdandym, ıaǵnı adamdardyń júzinen merekelik sezimdi baıqap otyrmyn. Qala turǵyndarymen pikir almasý kezinde olardyń jaıdary jaqsy kóńil kúıin kórdim»,-dedi Vladımır Vasılev.
Óz kezeginde Leonıd Slýtskıı Qazaqstannyń saılaý quqyǵynda oryn alǵan ońtaıly ózgeristerdi atap ótti.
«Adamdar úshin jaqsy jaǵdaı jasalǵan, ıaǵnı saılaý bıýlletenderin salatyn arnaıy jáshikter óte yńǵaıly jáne saılaý ýchaskeleriniń konfıgýratsııasy da qolaıly. Al daýystardy esepteýge baılanysty toqtalatyn bolsaq, keshe Ortalyq saılaý komıssııasynda bul ádisti zerdelep shyqtyq»,- dedi vıtse-spıker.
Onyń sózine qaraǵanda, halyq biryńǵaı yntymaqta daýys berýge kelip jatyr. Osy oraıda baıqaýshylar da halyqtyń kóńil kúıinen jaqsy áser alýda.
«Túrli saıası kúshterdiń atynan shyǵyp otyrǵan adamdar ózderin baısaldy, salmaqty ustap, órkenıetti túrde bir-birimen ózara árekettesýde»,-dep málimdedi L. Slýdskıı.
