RF Memlekettik Dýma saılaýynda «Edınaıa Rossııa» konstıtýtsııalyq kópshilikke qol jetkize almady
MÁSKEÝ. 5 jeltoqsan. QazAqparat /Narymbek Ysmaǵulov/ - Reseı ortalyq saılaý komıssııasynyń málimetteri boıynsha, RF Federaldyq jınalysynyń altynshy shaqyrylǵan Memlekettik dýmasyna saılaý qorytyndylarynyń 52,34 paıyz hattamalary esepteldi, onyń nátıjesi boynsha, «Edınaıa Rossııa» 48,68 paıyz daýys jınady.
Osy málimetter boıynsha, RFKP - 19,69, «Spravedılıvaıa Rossııa» - 12,91, LDPR - 12,18 paıyz daýys jınady. Qalǵan partııalar jetipaıyzdyq mejege jete almady. «ıAbloko» partııasy - 2,59, «Pravoe delo» - 0,55 paıyz, «Patrıoty Rossıı» - 0,97 paıyzǵa ıe boldy. Sóıtip, bılik partııasy depýtattyq mandattyń úshten ekisin quraıtyn konstıtýtsııalyq kópshilikke jete almady, alaıda jaı kópshilik daýysqa ıe boldy.
Dýma saılaýyna saılaýshylardyń 60 paıyzǵa jýyǵy qatysty.
Memlekettik dýma saılaýyna daýys berý aıaqtalǵannan keıin RF prezıdenti Dmıtrıı Medvedev pen RF úkimetiniń basshysy Vladımır Pýtın «edınorosstyqtar» shtabynda boldy. Partııalastarmen kezdesýde olar «Edınaıa Rossııa» saılaýǵa laıyqty qatysqanyn atap ótti, degenmen bolashaq parlamentte olardyń koalıtsııalyq bloktarmen birlesip jumys isteýine týra keedi.
Óz kezeginde V.Pýtın daýys berýdiń aldyn ala qorytyndaryna túsinikteme bere kelip, «Edınaıa Rossııa» jartysynan kem daýys alǵanmen, muny «ońtaıly nátıje» dep atady, bul eldegi shynaıy jaǵdaıdy kórsetedi. «Biz memleketimizdiń turaqty damýyn qamtamasyz ete alamyz», dedi ol.
