RF Krasnoıar ólkesi men Irkýtsk oblysyndaǵy órtti áskerı tikushaqtar sóndirip jatyr
MÁSKEÝ. TASS-QazAqparat – Reseı Qorǵanys mınıstrliginiń Mı-8 tikushaqtary Krasnoıar ólkesi men Irkýtsk oblysyndaǵy órtti sóndirýge kiristi. Juma kúni Reseı qorǵanys vedomstvosy habarlaǵandaı, tikushaqtar tabıǵı órtpen kúresý úshin kún saıyn 10-15 reıs jasaıdy.
Budan buryn habarlanǵandaı, áskerı vedomstvo RF prezıdenti Vladımır Pýtınniń tapsyrmasy boıynsha Il-76 markaly 10 ushaq pen Mı-8 markaly 10 tikushaqtan quralǵan avıatsııalyq top jasaqtady. Olar Krasnoıar ólkesindegi órtti sóndirýge kómektesedi.
«Órtti sóndirýge tartylǵan barlyq tikushaqtar kólemi 5 tonna bolatyn VSÝ-5 sý shashý qurylǵysymen jabdyqtalǵan», - delingen habarlamada.
Federaldyq «Avıalesoohrana» deregi boıynsha, 1 tamyzdaǵy jaǵdaıǵa sáıkes Reseıde aýmaǵy 116089 gektarlyq 165 orman órti sóndirilip jatyr. Kúrdeli aýmaqtarda 2,9 mln gektar orman janyp jatyr. Órttiń kólemdi sharpyǵan aýmaǵy – ıAkýtııada. Onda 1,2 mln gektar taıga, Krasnoıar ólkesinde – 1,1 mln gektar jáne Irkýtsk oblysynda – 700 myń gektar otqa oranǵan. Orman órtin sóndirýge 2,9 myń adam, 420 tehnıka, 48 áýe kemesi jumyldyryldy.
Orman órtine baılanysty RF tórt sýbektinde - Irkýtsk oblysy men Krasnoıar ólkesiniń barlyq aýmaǵynda, Býrıatııa men ıAkýtııanyń bir aýdanynda TJ rejımi engizildi.
Sibirdegi orman órtiniń tútini Qazaqstandaǵy jeti oblysty basty. Alaıda QR ІІM Tótenshe jaǵdaılar komıtetiniń tóraǵasy Vladımır Bekker Reseıdiń Sibir aýmaǵyndaǵy órttiń taralýy Qazaqstanǵa qaýip týdyrmaıtynyn málim etti.
Aıta keteıik, buǵan deıin Donald Tramp Vladımır Pýtınge Sibirdegi orman órtin óshirýge kómek usynǵan bolatyn.
