RF «Qosh aǵash» aýdanynyń basshysy Áýelhan Jatqanbaev tutqyndaldy
ASTANA. QazAqparat - RF Taýly Altaı ólkesine qarasty «Qosh aǵash» aýdanynyń basshysy Áýelhan Jatqanbaev para aldy degen kúdikpen tutqynǵa alyndy.
Oqıǵa 22 aqpan kúni oryn alǵan.
Ol ótken jyly qańtar aıynda mektep qurylysyn aýktsıon arqyly satýda jeńiske jetýi úshin bássaýdaǵa qatysýshydan 3 mln. rýbl kóleminde para alǵan dep aıyptalyp otyr. Óziniń eshqandaı kinásiz ekenin aıtqan Áýelhan Jázıtuly jedel-járdem qyzmetkerlerin shaqyrtýǵa májbúr boldy. Sebebi onyń densaýlyǵy syr bere bastaǵan.
Al osy oqıǵaǵa baılanysty Áýelhan Jatqanbaevtyń uly Meıirim Jatqanbaev bylaı deıdi: «Assalaýmaǵalaıkým, qandastar!!! Men Reseıdiń Altaı ólkesi Qosh Aǵash aýdanynyń turǵynymyn. Əkem - Jatqanbaev Əýelhan Jazıtuly - osy aýdannyń əkimi. Osynda turatyn 12 000 qazaǵyna búkil ómirin sarp etip, aıamaı eńbek etti. Jergilikti halyqtyń qoldaýymen 4 mərte aýdan əkimine saılanyp, jumysyn adal atqardy. Eliniń úmitin aqtap, keleshekte óser urpaǵyna jol siltedi. Bul adamǵa endi jala jaýyp, eshbir dəlelsiz qamap tastady. Densaýlyǵy onsyz da nashar, qan qysymy joǵary jəne júregi nashar. Jergilikti turǵyndar, el-jurty, aǵaıyny jınalyp alańǵa shyqsa, bostandyq pen ədilettilik surasa, polıtsııa bərin shetinen qýyp qamaımyz dep qorqytýda. Búkil halyq qaıǵyryp otyr. Kelesi kezekte januıasyna qaýip tónip tur. Úlken qyzy - meniń apaıym ekeýimiz Qazaqstan azamatymyz, bizdi de qamaýǵa almaqshy. Alystaǵy qandastaryńyzǵa qol ushtaryńyzdy sozýyn suraımyz».
Áýelhan Jazıtuly osy óńirde alǵash ret Naýryz, búrkit toıyn jáne alǵash bolyp qazaq kúresinen Azııa chemptonatyn ótkizgen. Keńes Odaǵy qulaǵannan keıin eń alǵash meshit saldyrǵan azamat.
Qazir Áýelhan Jatqanbaev qamaýda.
