RF Qarjy mınıstrligi munaı baǵasynyń barreline 100 dollardan tómen bolatyndyǵyn boljady
ASTANA. QazAqparat - RF Ekonomıkalyq damý mınıstrligi ınflıatsııa boıynsha boljamdy 7-7,5 paıyzǵa deıin kóterdi, dep habarlady RBK.
2015-2017 jyldary munaı baǵasy barreline 100 dollardan da tómen quldılaýy kútilýde. RF Qarjy mınıstriniń orynbasary Alekseı Moıseevtiń pikirinshe, munaı baǵasynyń quldılaýyna geosaıası táýekelderdiń yqpaly bolýy múmkin.
«Munaı baǵasy boljamdary alańdatyp otyr. Biz Ekonomıkalyq damý mınıstrligimen kelispeımiz. Bizdińshe, munaı baǵasy birshama artyq kórsetilgen. Qazirgi ýaqytta Lıvııadan munaı jetkizý bastalǵanyn kórip otyrmyz, Irakta da turaqtanýdyń alǵashqy belgileri baıqalýda», - dedi ol «Rossııa 24» telearnasyna bergen suhbatynda.
Aıta keterligi, búgin RF Ekonomıkalyq damý mınıstrliginiń 2014-2017 jyldarǵa arnalǵan jańartylǵan boljamy ázirlengeni belgili bolǵan edi. Onda munaı baǵasy 2014 jyly barreline 104-ten 105 dollarǵa kóterilgen. Al 2015-2017 jyldardaǵy munaıdyń ortasha baǵasy barreline 100 dollar kóleminde belgilengen.
