RF Islam komıtetiniń tóraǵasy dúnıe saldy
ASTANA. QazAqparat - Reseıdegi Islam komıtetiniń tóraǵasy, tanymal teologtar men fılosoftardyń biri Geıdar Djemal 70 jasqa qaraǵan shaǵynda qaıtys boldy. Bul týraly qoǵam qaıratkeriniń áleýmettik jelilerdegi resmı paraqshalarynda jarııalandy.
«Búgin túnde Jaratýshy ámirimen Geıdar Djemal baqılyq boldy. Qudireti sheksiz Alla ony raqymyna bólep, jumaqtyń baǵyn násip etsin», - delingen Twitter paraqshasyndaǵy habarlamada.
Geıdar Djemal 1947 jyly 6 qarashada Máskeýde dúnıege kelgen. 1965 jyly MMÝ janyndaǵy Shyǵys tilderi ınstıtýtyna túsken, biraq oqýyn aıaqtamaǵan. 1995 jyly «Islam komıteti dinaralyq qoǵamdyq qozǵalysyn» qurdy.
