RF Іshki ister mınıstrligi elimizdiń kólik saqshylaryn tós belgilermen marapattady
ASTANA. 27 jeltoqsan. QazAqparat - QR ІІM Kóliktegi ishki ister departamenti qyzmetkerleri elimizdiń temir jol jáne áýe kóligi nysandaryndaǵy qoǵamdyq qaýipsizdikti, azamattardyń quqyqtary men zańdy múddelerin jáne olardyń jeke múlikteriniń saqtalýyna qamtamasyz etedi.
Sondaı-aq, kólik saqshylaryna óziniń qyzmet kórsetý aýmaǵynda esirtki aınalymynyń aldyn alý, zańsyz kóshi-qon, qozǵalys quramdarynan júkterdi urlaý men tonaý syndy qylmystyq áreketterge qarsy kúres júrgizý mindeti kiredi.
Búginde, Reseı Federatsııasy men Qazaqstan Respýblıkasynyń kólik polıtseıleri arasynda ózara áriptestik tyǵyz baılanys ornatylǵan. Buǵan deıin de elimizdiń kólik saqshylary reseılik áriptesterimen qyzmet babynda birneshe ret kezdesip, ózara is-qımyl jasaý boıynsha tájirıbe almasqan bolatyn.
Jańa 2014 jyl qarsańynda Reseıdiń Kóliktegi Bas basqarmasy ózara is-qımylda belsendilik tanytqany úshin elimizdiń 11 kólik saqshysyn Reseı Federatsııasy Іshki ister mınıstriliginiń «Qylmystyq izdestirý qyzmetine 95 jyl» tós belgisimen marapattady. Olardyń qatarynda Kóliktegi ishki ister departamenti Krımınaldyq polıtsııa basqarmasynyń bastyǵy polıtsııa polkovnıgi Arystanǵanı Zapparov, basqarma orynbasary Dáýlet Maqsutov jáne aǵa jedel ýákil Meıram Mahmetov bar.
27 jeltoqsan kúni departament bastyǵynyń orynbasary polıtsııa polkovnıgi Talǵat Ótetileýov marapatqa ıe bolǵan qyzmetkerlerdi jeke qabyldap, olarǵa reseılik áriptesteriniń atynan tós belgilerdi tabys etti. Talǵat Júkenuly áriptesterin kele jatqan jańa jyl meıramymen quttyqtap, olardyń adam ómiri men densaýlyǵyn, memleket pen qoǵamnyń qaýipsizdigin qylmystyq áreketterden qorǵaý jolyndaǵy aýyr da jaýapty qyzmetterine sáttilikter tiledi, dep habarlady Kóliktegi ІІD baspasóz qyzmetinen.
