RF ІІM: Aýǵandyq geroınniń negizgi bóligi Reseıge Qazaqstan arqyly keledi
ASTANA. QazAqparat - Bul týraly jýrnalısterge RF ІІM esirtki aınalymyn baqylaý Bas basqarmasynyń basshysy Andreı Hrapov habarlady, dep jazdy interfax.ru.
«Aýǵanstannan keletin esirtkiler eń úlken qaýip týdyrady. Esirtkilik zattary Aýǵanstannan tike Reseıge kelmeıdi. Olar Aýǵanstannan Tájikstanǵa jetkiziledi, ol jaqtan Qyrǵyzstan men Qazaqstan arqyly Reseıge ótedi. Aýǵandyq geroınnyń negizgi bóligi Qazaqstan arqyly keledi», - dep atap ótti Hrapov.
Sonymen birge, Reseı aýmaǵyna keletin barlyq sıntetıkalyq esirtkiler Qytaıdan keledi.
«Reseı aýmaǵyna keletin sıntetıkalyq esirtkilerdiń 90% Qytaıdan jetkiziledi», - dedi Hrapov.
Ol esirtkimen kúres maqsatynda Reseı ІІM Esirtki aınalymyn baqylaý bas basqarmasynyń taıaý shetelderdegi áriptesterimen yntymaqtastyq ornatqanyn habarlady.
«Qazirgi ýaqytta biz qazaqstandyq jáne tájikstandyq áriptestermen ózara tyǵyz qarym-qatynas ornattyq. Qyrǵyzstanmen yntymaqtastyq óz jemisin berýde. Biz olarmen birigip, 30 keli geroın tárkiledik», - dedi Hrapov.
