RF-da benzınniń baǵasy 30 rýblden asýy múmkin
ASTANA. 11 mamyr. QazAqparat - Mamyr aıynda AI-95 benzıniniń bir lıtri úshin baǵasy 30 rýblge jaqyndady, bul rette Máskeýdegi eń qymbat janarmaı «LÝKOIL»-dyń kólikke janarmaı quıý oryndarynda satylady, dep habarlaıdy Ýtro.rý.
Sheneýnikter bul baǵalardyń ósimine ázirshe esh áreket jasamaıdy, biraq munaıshylarǵa degen narazylyqtar jaqyn ýaqytta týyndaýy múmkin. Qańtar aıynda Energetıka mınıstrligi men munaı kompanııalary prezıdenttik saılaýdyń aıaqtalýyna deıin janar-jaǵarmaı materıaldaryna bólshektengen baǵalardy tejeýge kelisti. Óziniń janarmaı quıý stansalaryndaǵy baǵalardy aýystyrýǵa kirisken birinshi kompanııa «LÝKOIL» boldy. Naýryz aıynyń aıaǵynda ol baǵany 25 tıynǵa kóterdi. «Kortes» aqparattyq-saraptamalyq ortalyǵynyń málimetterinshe, Reseıdegi AI-92 markaly benzınniń ortasha baǵasy 5 mamyr kúni bir lıtr úshin 26,57 rýbldi qurady (17 naýryzǵa qaraı taǵy 19 tıyn qosyldy), Aı-95 markaly benzınniń baǵasy bir lıtr úshin 26,57 rýbl boldy (oǵan 30 tıyn qosyldy). Qazirgi ýaqytta máskeý mańyndaǵy eń qymbat janarmaı (Aı-95) 29,97 rýbl turady. Benzınniń bul túrine degen eń arzan baǵa - 28,86 rýbl.
