RF azamatyna 100-ge jýyq áıeldi zorlady degen kúdik taǵylýda
ASTANA. QazAqparat - 2015 jyly qarasha aıynda Belarýsııada ustalǵan Reseı azamatyna 100-ge jýyq áıeldi zorlady degen kúdik keltirilýde.
Bul týraly TASS-qa oblystyq atqarýshy komıteti mınıstrliginiń Іshki ister bóliminen habarlady.
"Kúdikti - Reseı azamaty 20 jylda júzge jýyq áıeldi zorlaǵanyn aıtyp otyr. Onyń áreketinen japa shekkenderdiń shamamen jartysy ǵana belgili boldy, qazir qalǵandary kim ekeni anyqtalý ústinde", - dep atap ótti oblystyq mılıtsııada.
ІІB-da bul jerde ótken jyly qarasha aıynda Brest jáne Mınsk aýmaǵynda birqatar zorlyq qylmysyna qatysy bar degen kúdikpen ustalǵan 45 jastaǵy Reseı Federatsııasynyń azamaty týraly sóz bolyp otyrǵanyn túsindirdi. Sankt-Peterbor turǵyny Brest oblysynda turatyn týystaryna jıi barǵan. "1994 -2014 jyldar aralyǵyndaǵy osy saparlar barysynda ol zorlyq-zombylyqty iske asyryp otyrǵan", - dep atap ótti ІІB.
Quqyq qorǵaýshylardyń aqparatynsha, kúdiktiniń áreketinen túrli jastaǵy názik jandylar japa shekti. Solardyń ishinde kámeletke tolmaǵandar da bar.
