Rezıdent emesterge elektrondyq tsıfrlyq qoltańbalardy qalaı alýǵa bolady - QR ІІM

NUR-SULTAN. QazAqparat – Pılottyq joba sheńberinde beırezıdentter elektrondyq tsıfrlyq qoltańbalardy (ETsQ) elimizdiń elshilikteri men konsýldyqtary arqyly alýǵ bolady, dep habaarlaıdy QazAqparat QR ІІM resmı saıtyna silteme jasap.

Pılottyq joba syrtqy ister, tsıfrlyq damý, ınnovatsııalar jáne aeroǵarysh ónerkásibi, sondaı-aq ishki ister mınıstrlikterimen birlesip iske asyryldy.

Atalǵan joba Vashıngton, Seýl, Bishkek, Máskeý, Praga, Dýbaı, Nıý-Iork, Sankt-Peterbýrg, Maındaǵy-Frankfýrt, Ystanbul jáne Beıjiń qalalarynda ornalasqan Qazaqstan Respýblıkasynyń 11 dıplomatııalyq ókildikterinde jumys isteıtin bolady.

Jobanyń negizgi maqsaty – áleýetti shetel ınvestorlardyń Qazaqstannyń onlaın aýktsıondaryna qatysý múmkindigin qamtamasyz etý.

Rezıdent emes jeke tulǵalar ETsQ-ny «bir tereze» qaǵıdaty boıynsha ala alady. Ol úshin shetel azamattardyń ózimen birge pasporty, pasportynyń elektrondyq kóshirmesi (pdf formatynda), aty-jóniniń kırıllıtsaǵa, qajet bolǵan jaǵdaıda latyn álipbıine (pdf formatynda) notarıaldy kýálandyrylǵan aýdarmasynyń elektrondyq kóshirmesi jáne USB-flash jınaqtaýshy (ETsQ kiltterin saqtaý úshin) bolýy qajet.

Rezıdent emes zańdy tulǵalar aldyn ala Qarjy mınıstrligi MKK saıtynda tirkelip jáne BSN-di onlaın alyp, ETsQ-ny Qazaqstan Respýblıkasynyń shet elderdegi mekemelerinen ala alady.

Qyzmet 2 jumys kúni ishinde tegin kórsetiledi.