Rejısserler konkýrsy: 19 kınojoba memleketten qarjylyq qoldaý alady

Otandyq kınorejısserlerdiń 19 jobasy memleketten qarjylandyrylatyn boldy. Bul sheshim «Ulttyq kınony qoldaý memlekettik ortalyǵy» KEAQ janyndaǵy Saraptama keńesiniń oń qorytyndysy men Ulttyq fılmderdi memlekettik qarjylyq qoldaý máseleleri jónindegi vedomstvoaralyq komıssııa usynymynyń negizinde qabyldandy, dep habarlaıdy Kazinform.

Eske sala keteıik, bıylǵy pıtchıngke 115 kınojoba qatysty. Nátıjesinde 19 ótinim irikteldi, onyń ishinde 10 tolyqmetrajdy oıyn fılmderi, 5 derekti, 2 qysqametrajdy jáne 2 anımatsııalyq fılm bar.

Memleketten qarjylyq qoldaý alatyn kınojobalar:

Áleýmettik mańyzy bar oıyn fılmderi:

1. «Kapıtan Baıtasov» k/f (Sháken Aımanov atyndaǵy «Qazaqfılm» AQ)
2. «Shyrmaýyq» k/f (Sháken Aımanov atyndaǵy «Qazaqfılm» AQ)
3. «QUT» k/f («Fırma Qadam» JShS)
4. «Igromanka» k/f («Tsentr tvorchestva «PROTALENT» JShS)
5. «RESTART: ShEKSІZDІKKE DEIІN» k/f («Dala Cinema» JShS)
6. «Qairat» k/f («SBA ENTERPRISE» JShS)
7. «Feıkovyı arman» k/f («CentauRus «Rustem Abdrashev production» JShS)
8. «Pered rassvetom» q/f («A Films» JShS)
9. «Kún uıasyna batqanda» q/f («Serper Production» JShS)

Derekti fılmder:

1. «My zdes jıvem» d/f («Plan B» JK)
2. «Bizdiń zamanymyzǵa deıin» d/f («Fırma Qadam» JShS)
3. «Sońǵy paryz» d/f (Sháken Aımanov atyndaǵy «Qazaqfılm» AQ)
4. «Zdravstvýı, dobryı chelovek!» d/f (Sháken Aımanov atyndaǵy «Qazaqfılm» AQ)
5. «Mangıstaý - kraı okeana Tetıs» d/f («ARDFILЬM» JShS)

Anımatsııalyq fılmder:

1. «Alan týraly ańyz» a/f («SAQ-dala» JShS)
2. «Úmit árdaıym janymyzda» a/f («SUGUR Film» JK)

Debıýttik fılmder:

1. «Osennıı brız» k/f («Medetfılm» JShS )
2. «GRAJDANE KRYShI» k/f («SMAG Production» JK)

Birlesip shyǵarylatyn fılmder:

1. «Pobedıteleı Vıdno na Starte» k/f («Accidental Films» JShS)

Eske salaıyq, bıylǵy mamyr aıynda memleket qarajaty esebinen túsiriletin kınojobalardy irikteý boıynsha naýryzda ótkizilgen konkýs nátıjesine tekserý taǵaıyndalǵan bolatyn. Buǵan baıqaýǵa qatysýshy jekelegen kınogerlerdiń aryz-shaǵymy sebep boldy. Tamyz aıynyń basynda konkýrs nátıjesi tolyǵymen joıylǵany málim etildi.

9 qyrkúıekte 115 kınojoba pıtchıngke ótkenin jazdyq.

Jalpy, elektrondy túrde tirkelgen ótinimderdiń sany 271 boldy. Onyń ishinde qaǵaz júzinde 261 ótinim túsken. Qujattardy tekserý qorytyndysy boıynsha 115-i pıtchıngke ótti. Olardy Saraptama keńesiniń músheleri 8 qyrkúıekten bastap 3 qazanǵa deıin qarastyrdy. Іrikteý kezeńinen ótpegen qatysýshylarǵa úsh jumys kúni ishinde resmı hattar jiberiletini, onda ótinimderdi qabyldamaý sebepteri kórsetiletini aıtyldy.