Rejısser Talǵat Jánibekovti eki aıǵa qamaýǵa aldy
ALMATY. QazAqparat - Rejısser Talǵat Jánibekovti qamaýda ustaý týraly sot sanktsııasy shyqty, dep habarlaıdy QazAqparat tilshisi Almaty qalalyq sotynyń baspasóz qyzmetine silteme jasaı otyryp.
«Sot Talǵat Jánibekovke qatysty eki aıǵa, 28-shi aqpanǵa deıin qamaýda ustaýǵa qaýly shyǵardy. Qamaý merzimi ustalǵan kúnnen bastalady. Jánibekovke qatysty QR QK 189-baby 4-bóliginde kórsetilgen qylmysty jasady degen aıyp taǵylyp otyr. Naqtylap aıtqanda, oǵan «Fenıks» kınojobasy boıynsha bıýdjet qarjysyn jymqyrdy degen kúdik keltirilgen», - dep habarlady sottan.
Aıta keteıik, buǵan deıin Jánibekovtiń advokaty jemqorlyqqqa qarsy qyzmet ony tutqyndaǵanyn habarlaǵan bolatyn.
