Rejısser Talǵat Jánibekov sotta kinásin moıyndady
ALMATY. QazAqparat - Almaty qalasyndaǵy Qylmystyq ister jónindegi mamandandyrylǵan aýdanarylyq sotynda «Fenıks» fılmi boıynsha sot protsesi jalǵasyp jatyr. Búgingi sot otyrysynda fılm rejısseri Talǵat Jánibekov pen aıyptalýshy, Danııar Ábdiqadyrov kinásin moıyndady, dep habarlaıdy QazAqparat tilshisi.
Sýdıa Táken Shakırovqa Talǵat Jánibekovtiń jubaıy aıyptalýshy tarapynan memleketke 200 000 teńge tólengen túbirtekti tabys etti. Jánibekovtiń advokaty jaǵdaılary jetkeninshe aqsha tólep otyrǵanyn aıtyp, qorǵaýyndaǵy Talǵat Jánibekovtiń kinásin moıyndaıtynyn aıtty. Bul máseleni sýdıa Talǵat Jánibekovtiń ózinen surady.
«Kinámdi tolyǵymen moıyndaımyn», - dedi T.Jánibekov.
Sonymen qatar, aıyptalýshy Ábdiqadyrov kinásin moıyndap, «Fenıks» fılmi barysynda satyp alynǵan grafıkalyq túsirilimder jasaıtyn baǵaly kompıýterdi quzyrly vedomstvoǵa qaıtaryp beretinin aıtty. Biraq, QR Mádenıet jáne sport mınıstrliginiń ókili Estııarov kompıýterlerdiń jaǵdaıyn tekserý qajettigin málim etti.
Eske sala keteıik, Ulttyq sybaılas jemqorlyqqa qarsy is-áreket bıýrosynyń málimetine sáıkes, «Fenıks» kórkem fılmin túsirýge arnalǵan 79 mln teńge kólemindegi bıýdjet qarajaty «T.K.TURAN UNIVERSAL BUSINESS» JShS esep-shotyna aýdarylyp, sol arqyly 69 mln teńgesi urlanǵan. Al atalǵan fırmanyń quryltaıshysy - kartınanyń bas prodıýseri Tuńǵyshbaı Jamanqulov.
Sottalýshylar oryndyǵynda 9 adam otyr: olar «Fenıks» kınokartınasynyń bas prodıýseri, Halyq ártisi Tuńǵyshbaı Jamanqulov, kınofılmniń rejısseri Talǵat Jánibekov, atqarýshy prodıýseri Natalıa ıÝdına, redaktory Ǵızat Sultanov, «Fenıkstiń» daıyndyq kezeńindegi túsirilim tobynyń dırektory Márlen Ábishev, «Sh. Aımanov atyndaǵy «Qazaqfılm» kınostýdııasy» AQ-nyń top-menedjeri Gaýhar Ysqaqova, jaýapkershiligi shekteýli seriktestiktiń ókili Danııar Ábdiqadyrov, jeke kásipker Ilıa Korobeınıkov jáne kınokartınanyń ekinshi rejısseri Bıjan Ábishev.
