Rejısser Talǵat Temenov jańa fılm túsirýde
ALMATY. Tamyzdyń 4-i. QazAqparat /Erbol Turymbetov/ - Almatyda belgili rejısser Talǵat Temenov «Meniń kúnáhar perishtem» atty jańa romantıkalyq fılmin túsirýdi bastady,
dep habarlaıdy QazAqparat.
Fılmde Aısha Abyroeva atty talantty jas ánshi týraly baıandalady. Onyń armany - osy qabiletimen kóterilip, Frantsııada án shyrqaý. Bul maqsatqa jetý jolynda oǵan qamqorshy bop júrgen bankır jigit kómektesedi. Aqyrynda Parıjden shaqyrtý alǵan Aısha jaǵdaıy tómen bir jas jigitke ǵashyq bolyp qalady. Onyń aldynda eki joldy tańdaý tur: mahabbat pa, álde dańq pa?
Fılmdi túsirý qazir qala kóshelerinde, teatrlarda jáne basqa da kópshilik oryndarda júrgizilýde. Ol qyrkúıektiń 12-sine deıin jalǵasady. Kınotýyndyǵa belgili frantsýz ártisi Jerar Depardeni shaqyrý josparlanǵan. Álemge tanymal frantsýzdyq akter buǵan deıin «Keshikken mahabbat» atty otandyq fılmge túsken edi. Týyndy aldaǵy qyrkúıek aıynda jaryqqa shyǵady dep kútilýde.
