Rejısser Rob Raıner men áıeliniń ólimi: ortanshy uly kúdikke ilindi

ASTANA. KAZINFORM – Los-Andjeles aımaqtyq prokýrory Natan Hohmannyń naqtylaýynsha, Nık Raınerge aýyrlatatyn mán-jaılarmen birinshi dárejeli kisi óltirý boıynsha aıyp taǵylady, dep habarlaıdy BBC. 

Onyń aıtýynsha, qylmys pyshaqtyń kómegimen jasalǵan. 

Ótken jeksenbide akter jáne rejısser Rob Raıner men onyń zaıyby Mıshel Los-Andjelestegi úılerinde óli kúıinde tabyldy. Olardyń kóptegen jerinen pyshaqtalǵan denelerin kishi qyzy Romı anyqtady. Ákesi rejısserlik etken «Charlı bolý» fılminiń stsenarııshisi jáne birlesken avtory bolǵan ortanshy uly Nık kisi óltirdi degen kúdikke ilinip qamaýǵa alyndy.

Polıtsııa Nık Raınerdiń oqıǵadan keıin Los-Andjeles saıabaǵynda tabylyp, oqıǵasyz qamaýǵa alynǵanyn habarlady. 

Hohmannyń aıtýynsha, Nık Raınerge taǵylǵan aıyptar boıynsha ólim jazasy nemese shartty túrde merziminen buryn bosatý múmkindiginsiz ómir boıyna bas bostandyǵynan aıyrý jazasy qarastyrylǵan. 

Rob Raıner 20-ǵa jýyq fılm túsirdi, onyń ishinde «Garrı Sallıdi kezdestirgende», «Birneshe jaqsy jigit» jáne «Amerıkalyq prezıdent» sııaqty kýlttik klassıkalyq fılmder, al onyń akterlik jumystarynyń arasynda – «Sıetldegi uıyqtamaıtyndar», «Ýoll-strıt qasqyry» jáne «Bul – Spinal Tap!» fılmderi bar.

Aıta keteıik,Hanýkka merekesin toılaý kezinde Sıdneı jaǵajaıynda atys boldy.