Rejısser Eldar Rıazanov jansaqtaý bóliminde jatyr
ASTANA. QazAqparat - Reseılik rejısser Eldar Rıazanovtyń densaýlyǵy nasharlap ketip aýyr hálde jatyr, dep habarlady RIA «Novostı» Býrdenko atyndaǵy ǴZI mamandaryna silteme jasaı otyryp.
Buǵan deıin habarlanǵandaı, belgili rejısser 24 qarashada Býrdenko atyndaǵy ǴZI-ge jatqyzylǵan bolatyn. Densaýlyq saqtaý departamenti onyń jaǵdaıy turaqty ekenin aıtqan. Kelesi kúni tańerteń ǴZI dárigerleri Rıazanovtyń jaǵdaıyn asa aýyr dep málimdedi. Ótken aptada Rıazanovqa bir kezderi oǵan ota jasaǵan Bakýlev atyndaǵy júrek-qan tamyrlary hırýrgııasy ǵylymı ortalyǵynyń professory Bagrat Aleıakın kelgen. Aleıakınmen áńgimeleskennen keıin ortalyq basshysy Leo Bokerııa rejısserǵa qatysty oń boljam jasaǵan. «Rıazanovqa týystary da, tipti áıeli de jiberilmeıdi. Onyń jaǵdaıy aýyr, qazir jansaqtaý bóliminde jatyr», - dep habarlady ǴZI ókiline silteme jasap, qalalyq «Máskeý» jańalyqtar agenttigi. Stsenarıst, akter, pedagog, telejúrgizýshi, jazýshy, aqyn, dramatýrg, prodıýser, KSRO halyq ártisi Eldar Rıazanov qazir 87 jasta.
