Rejısser Aqan Sataev jańa kıno túsirmek
ALMATY. Aqpannyń 11-i. QazAqparat /Ernar Beken/ - Qazaqstandyq tanymal rejısser Aqan Sataev jańa kınonyń jobasyn qolǵa aldy.
«Qazaqfılm» kınostýdııasynyń tapsyrysymen túsiriletin kıno «Lıkvıdator» degen atqa ıe bolady, dep habarlaıdy QazAqparat.
Osyǵan deıin «Reketır» men «Zablýdıvshıısıa» kınotýyndylaryn ekranǵa sátti shyǵarǵan Aqan jańa fılminiń túsirilimin aqpannyń 15-de qolǵa almaq. Jobanyń stsenarııin Tımýr Jaqsylyqov jazǵan, ol osyǵan deıingi «Reketır» stsenarııiniń de avtory bolǵan. Basty rolderde Berik Aıtjanov pen Qarlyǵash Muhamedjanova oınaıtyn bolady.
Kınonyń oqıǵa jelisi boıynsha, Arsen esimdi jas jigit aǵasynyń ólimine baılanysty tergeý júrgizedi. Qaıǵyly oqıǵanyń túp-tórkini tym áride jatqanyn uqqan basty keıipker isti aqyryna deıin jetkizýge bel baılap, qaýip-qaterge basyn tigedi. Aldyn ala aqparattar boıynsha bul fılmge reseılik akter Sergeı Nıkonenko da qatyspaq.
