Rejısser Ádilhan Erjanovtyń fılmderi Shanhaıdaǵy kınofestıvalde kórsetilmek

BEIJІŃ. QazAqparat – Rejısser Ádilhan Erjanovtyń «Ulbolsyn» jáne «Sary mysyq» degen eki kórkem fılmi Shanhaıda ótetin halyqaralyq kınofestıvalde kórsetiledi, dep habarlaıdy QazAqparat tilshisi.

Qytaıdaǵy «A» sanatyndaǵy jalǵyz kınematografııalyq shara kezekti, 24-shi Shanhaı halyqaralyq kınofestıvali (SIFF) qytaılyq megapolıste 11-20 maýsym aralyǵynda ótedi.

Uıymdastyrýshylardyń aıtýynsha, «Altyn kýbokty» tabystaý saltanaty (Golden Goblet Awards) 19 maýsymda ótpek. «Altyn kýbok» negizgi baıqaý baǵdarlamasy tolyq jáne qysqa metrajdy fılmderdi, anımatsııalyq kıno men dokýmentaldy jumystardy qamtıdy.

Ótken jyly festıvalge 180 el men óńirden 3 693 fılm tirkelgen. COVID-19 pandemııasyna baılanysty ótken jylǵy Shanhaıdaǵy kınofestıvaldiń baǵdarlamasy qysqartylyp, baıqaý baǵdarlamasyndaǵy marapattar tabystalmady.

Shanhaı halyqaralyq kınofestıvali 1993 jyldan bastap ótkiziledi.

Avtory: Rýslan Súleımenov