Rejep Taıyp Erdoǵan kelesi jyly ótetin prezıdent saılaýyna qatysady

NUR-SULTAN. Anadoly-QazAqparat - Ulttyq hareket partııasynyń tóraǵasy Devlet Bahchelı Halyq alıansy atynan prezıdenttikke talasatyn úmitkerler jaıly aıtty, dep habarlaıdy QazAqparat Anadoly agenttigine silteme jasap.

Ol Rejep Taıyp Erdoǵannyń 2023 jylǵy maýsymda ótetin saılaýda Halyq alıansy atynan baq synaıtynyn rastady.

«Bizdiń prezıdenttikke úmitkerimiz belgili, ol - Rejep Taıyp Erdoǵan myrza. 2023 jyly maýsymda ótetin saılaýda Erdoǵan myrzanyń úlken basymdyqpen alǵa shyǵatynyna jáne Halyqtyq alıanstyń taǵy bir jeńiske jetetinine senimdimin», - dedi Devlet Bahchelı.

Bahchelı keı ortada qazirgi prezıdent Erdoǵannyń budan bylaı saılaýǵa túspeıtini jaıly túrli alyp-qashpa áńgime taraǵanyn sóz etip, bul málimdemeniń zańdy jáne konstıtýtsııalyq negizi joq ekenin, obektıvti shyndyqqa saı emestigin atap ótti.