Rejep Taııp Erdoǵan Túrkııadaǵy prezıdent saılaýynyń ekinshi týrynda daýys berdi

YSTANBUL. ANADOLY – QazAqparat – Túrkııa prezıdenti Rejep Taııp Erdoǵan men onyń jubaıy Emıne Erdoǵan elde 28 mamyrda ótip jatqan saılaýdyń ekinshi týrynda daýys berdi, dep habarlaıdy QazAqparat Anadolyǵa siltememen.

Rejep Taııp Erdoǵan men Emıne Erdoǵan Ystanbuldyń Ýskıýdar aýdanyndaǵy «Saffet Chebı» bastaýysh mektebiniń saılaý ýchaskesinde daýys berdi.

Saılaý ýchaskesine Ýskıýdar mýnıtsıpalıtetiniń basshysy Hılmı Týrkmen, Ystanbuldaǵy basqarýshy Ádilet jáne damý partııasynyń tóraǵasy Osman Nýrı Kabaktepe jáne basqa da sheneýnikter boldy.

Memleket basshysy bıýlletendi №3279 daýys berý jáshigine saldy.

Túrkııa prezıdentin mektep ǵımaratyna jınalǵan kóptegen azamattar qarsy aldy.

Túrkııada 28 mamyr, jeksenbide respýblıka tarıhynda tuńǵysh ret prezıdent saılaýynda daýys berýdiń ekinshi týry ótýde.

Qazirgi memleket basshysy Rejep Taııp Erdoǵan men Respýblıkalyq halyq partııasynyń jetekshisi Kemal Kylychdaroǵlý prezıdenttikke úmitker.