Rejep Taııp Erdoǵan Túrkııa prezıdenti retinde ant qabyldady
Parlament tóraǵasynyń mindetin atqarýshy Dýrmýsh Iylmaz Erdoǵanǵa Túrkııa Respýblıkasynyń prezıdentiniń kýáligin tabys etti.
«Barsha halyqtyń aldynda barlyǵy jaqsy ótti. Aldaǵy ýaqytta da Túrkııada barlyǵy jaqsy bolatynyna úmittenemin», - dedi ant bergennen keıin Erdoǵan.
Parlament ǵımaratynan shyqqannan keıin prezıdent Mustafa Kemal Atatúriktiń mavzoleıine bardy.
Erdoǵan Túrkııa Respýblıkasynyń negizin qalaýshy tulǵaǵa qurmet retinde mavzoleıge gúldestesin qoıdy.
«Ult birligi men nıettestikti nyǵaıtý, eldiń qýatyn damytý jáne nyǵaıtý boıynsha kúsh-jigerdi jalǵastyrýǵa daıyn ekendigimizge kezekti ret sendiremiz», - dedi ol Atatúrik mavzoleıinde.
Túrkııa basshysynyń korteji Prezıdenttik keshennen parlamentke jetkenge deıin jol boıynda qalyń halyq jınalyp turdy. Adamdar Erdoǵannyń kóligin gúldermen kómkerip tastady.
Osylaısha, Túrkııa parlamenttik basqarý formasynan resmı túrde Prezıdenttik Respýblıkaǵa aýysty.
Aıta keteıik, 4 shilde kúni Túrkııanyń Joǵarǵy saılaý komıssııasy 24 maýsym kúni ótken el prezıdenti men parlamentiniń kezekten tys jalpyulttyq saılaýynyń qorytyndylaryn jarııalaǵan bolatyn.
Oǵan sáıkes, Ádildik jáne damý partııasymen jáne Ulttyq is-áreket partııasymen (MHP) qurylǵan - «Halyq alıansynan» kandıdat retinde usynylǵan Rejep Taııp Erdoǵanǵa 26 mln 330 myń 823 (52,59%) saılaýshy daýys berdi.
Túrkııa prezıdenttigine ózge kandıdattardyń jınaǵan daýystary kelesideı: Respýblıkalyq halyq partııasynan úmitker (CHP) Mýharrem Indje - 30,64 % daýys; İYİ partııasynyń kóshbasshysy Meral Akshener - 7,29 % daýys; Demokratııalyq halyq partııasynan úmitker (HDP) Selahattın Demırtash - 8,40 % daýys; Saadet partııasynyń tóraǵasy Temel Karamollaoglý - 0,89% daýys; «Otan» partııasynyń kóshbasshysy Dogý Perınchek 0,20% daýys jınady.
Al parlamenttiń 27-inshi shaqyrylymyna bes partııa ótti.
Atap aıtqanda, Ádildik jáne damý partııasy - 295 mandat, Respýblıkalyq halyq partııasy - 146, Demokratııalyq halyq partııasy (HDP) - 67, Ulttyq is-áreket partııasy - 49 jáne İYİ partııasy 43 mandat aldy.
Qazaqstan Respýblıkasynyń Premer-Mınıstri Baqytjan Saǵyntaev Rejep Taııp Erdoǵannyń ulyqtaý rásimine qatysý úshin bir top qazaqstandyq delegatsııany bastap baratynyn jazǵan bolatynbyz.
