Rejep Taııp Erdoǵan ShYU sammıtine qatysý úshin Astanaǵa keldi

ASTANA. KAZINFORM – Túrkııa Prezıdenti Rejep Taııp Erdoǵannyń ushaǵy Astanaǵa qondy. Elorda áýejaıynda túrik basshysyn Premer-Mınıstr Oljas Bektenov qarsy aldy.

Rejep Taıyp Erdoǵan 3-4 shildede ótetin Shanhaı yntymaqtastyq uıymyna múshe memleketter basshylary keńesiniń 24-shi otyrysyna qatysady.

Túrkııa — uıymǵa seriktes el.

Aıta ketý kerek, Túrkııa Qazaqstannyń eń iri saýda seriktesteriniń bestigine ári ınvestor elderdiń úzdik 20-na kiredi.

Osy jyldyń 4 aıynda ózara saýda kólemi $1,6 mlrd-qa jetti. Eki eldiń úkimetteri saýdanyń turaqty kólemin keminde $10 mlrd deńgeıinde josparly túrde qamtamasyz etý boıynsha jumys isteýde.