Rejep Taııp Erdoǵan Qaraǵandy oblysynda qaza bolǵan kenshilerdiń otbasyna kóńil aıtty

Astanada ótip jatqan Túrki memleketteri uıymynyń H sammıtinde Túrkııa prezıdenti Rejep Taııp Erdoǵan Kostenko shahtasynda qaıtys bolǵan kenshilerdiń otbasyna kóńil aıtty, dep habarlaıdy Kazinform.

«Elderińizde shahterlerdiń qaza bolýyna baılanysty olardyń otbasyna kóńil aıtqym keledi», - dedi Túrkııa prezıdenti.

Sondaı-aq, ol Qazaqstan tarabyna alǵys bildirdi.

«Bizdiń baýyrymyz, Ózbekstannyń prezıdenti Sh.Mırzıeev myrzaǵa uıymǵa tóraǵalyq etkeni úshin alǵys bildiremiz. Sondaı-aq, joǵary mártebeli Q.Toqaev myrzaǵa qonaqjaılyǵy úshin rahmet aıtqym keledi jáne uıymdaǵy bolashaq tóraǵalyǵynda sáttilik tileımiz.

Jahandyq syn-tegeýrinderge tótep berý úshin túrki álemi birge bolý kerek», - dedi Rejep Taııp Erdoǵan.

Eske salaıyq, búgin Astanada Túrki memleketteri uıymynyń H sammıti ótip jatyr. 

Jıynǵa Túrkııa, Ázerbaıjan, Ózbekstan, Qyrǵyzstan prezıdentteri uıymǵa múshe memleket basshylary retinde, Majarstan Premer-mınıstri men Túrikmenstan basshysy baqylaýshy eldiń basshylary retinde qatysady.

TMU sammıti «Túrki dáýiri» uranymen ótedi. 

Búgin Syrtqy ister mınıstrliginde Túrki memleketteri uıymynyń syrtqy ister mıınstrleri keńesiniń jabyq otyrysy ótti. 

Sharada QR Syrtqy ister mınıstri Murat Nurtileý Izraıl-HAMAS qaqtyǵysyndaǵy Qazaqstan ustanymyn aıtty.