Rejep Taııp Erdoǵan AÓSShK sammıtinde qazaq halqyna alǵys bildirdi

ASTANA. QazAqparat – Túrkııa Prezıdenti Rejep Taııp Erdoǵan Azııadaǵy ózara is-qımyl jáne senim sharalary jónindegi keńes (AÓSShK) sammıtinde qazaq halqyna alǵys bildirdi, dep habarlaıdy QazAqparat tilshisi.

«Qurmetti meniń baýyrym Qasym-Jomart Toqaev, qurmetti memleket basshylary, qurmetti úkimet basshylary! Men bul jerde AÓSShK májilisine qatysyp otyrǵanyma qýanyshtymyn. Toqaev myrzaǵa jeke jáne búkil qazaq aǵaıyndarǵa osyndaı qonaqjaı shara úshin alǵys bildiremin. Sondaı-aq, osy májiliske qatysyp otyrǵan Kýveıtke qosh keldińizder demekpin», - dedi Túrkııa basshysy.

Sondaı-aq, Qazaqstan basshysyn sammıt otyrysynda qabyldanǵan sheshimdermen quttyqtady.

«Qurmetti dostar, men búgingi sammıt bizdiń keńesti halyqaralyq uıymǵa aınaldyrý týraly sheshim qabyldaıtynyna óte qýanyshtymyn. Qazaqstan Prezıdentin sonyń basshylyǵymen jasalǵan senimdi qadamnyń arqasynda keńesimizdiń túrlenip jatqanyna oraı quttyqtaımyn. Búkil múshe elder keńesimizdiń túrlenýi protsesine barynsha úles qosatynyna senimdimin», - dedi Rejep Taııp Erdoǵan.

Foto: t.me/bort_01