Rezervtik qordy qalyptastyrý jáne paıdalaný qaǵıdalary bekitildi
Buıryq búgin, 17 qarasha kúni respýblıkalyq BAQ-ta jarııalandy.
Bul qaǵıdada rezervtik qordy qalyptastyrýdyń tártibi kórsetilgen. Osyǵan oraı, Qarjy-esep aıyrysý ortalyǵy rezervtik qordy Qazaqstan Respýblıkasynyń ekinshi deńgeıli bankinde arnaıy qurylǵan banktik shotqa aqsha aýdarý jolymen qalyptastyrady. Rezervtik qor Qazaqstan Respýblıkasynyń ulttyq valıýtasymen qurylady.
Qazaqstan Respýblıkasy Energetıka mınıstrliginiń buıryǵy №361
2016 jylǵy 29 shilde Astana qalasy
Rezervtik qordy qalyptastyrý jáne paıdalaný qaǵıdalaryn bekitý týraly
«Jańartylatyn energııa kózderin paıdalanýdy qoldaý týraly» Qazaqstan Respýblıkasynyń 2009 jylǵy 4 shildedegi Zańynyń 6-baby 9-2) tarmaqshasyna sáıkes buıyramyn:
1. Qosa berilip otyrǵan Rezervtik qordy qalyptastyrý jáne paıdalaný qaǵıdalary (budan ári - Qaǵıdalar) bekitilsin.
2. Qazaqstan Respýblıkasy Energetıka mınıstrligi Jańartylatyn energııa kózderi departamenti Qazaqstan Respýblıkasynyń zańnamasynda belgilengen tártippen:
1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin merzimdi baspasóz basylymdaryna jáne «Ádilet» aqparattyq-quqyqtyq júıesine, sondaı-aq Qazaqstan Respýblıkasy Ádilet mınıstrliginiń «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna resmı jarııalaýǵa jiberýdi;
3 osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ınternet-portalynda ornalastyrýdy;
4) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin on jumys kúni ishinde osy tarmaqtyń 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Energetıka mınıstrliginiń Zań qyzmeti departamentine berýdi qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıtse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasy Energetıka mınıstriniń
mindetin atqarýshy M.MYRZAǴALIEV
«KELІSІLGEN»
Qazaqstan Respýblıkasy Ulttyq
ekonomıka mınıstriniń
mindetin atqarýshy
M. Qusaıynov _____________
2016 jylǵy 1 tamyz
Qazaqstan Respýblıkasy Energetıka mınıstriniń mindetin atqarýshynyń 2016 jylǵy 29 shildedegi
№361 buıryǵymen bekitilgen
Rezervtik qordy qalyptastyrý jáne paıdalaný qaǵıdalary
1-taraý.
Jalpy erejeler
1. Osy Rezervtik qordy qalyptastyrý jáne paıdalaný qaǵıdalary (budan ári - Qaǵıdalar) «Jańartylatyn energııa kózderin paıdalanýdy qoldaý týraly» Qazaqstan Respýblıkasy Zańynyń (budan ári - Zań) 6-baby 9-2) tarmaqshasyna sáıkes ázirlendi jáne rezervtik qordy qalyptastyrý jáne paıdalaný tártibin aıqyndaıdy.
2. Osy Qaǵıdalarda mynadaı negizgi uǵymdar paıdalanylady:
1) boljamdy jyl - shyǵyndardy esepteý júrgiziletin kúntizbelik jyl;
2) kassalyq alshaqtyq - shartty tutynýshylar tarapynan jańartylatyn energııa kózderin paıdalaný obektileri óndirgen jáne ózderi jetkizip bergen elektr energııasy úshin aqysy tólenbeýi nemese ýaqtyly tólenbeýi saldarynan týyndaǵan aqshalardyń ýaqytsha jetispeýshiligi;
3) rezervtik qordy qalyptastyrýǵa jumsalatyn shyǵyndar - qarjy-esep aıyrysý ortalyǵynyń rezervtik qordy qalyptastyrýǵa jumsaıtyn naqty jáne/nemese boljamdy shyǵyndary.
Osy Qaǵıdalarda paıdalanylatyn ózge de uǵymdar men anyqtamalar Qazaqstan Respýblıkasynyń jańartylatyn energııa kózderin paıdalanýdy qoldaý salasyndaǵy zańnamasyna sáıkes qoldanylady.
2-taraý.
Rezervtik qordy qalyptastyrý tártibi
3. Qarjy-esep aıyrysý ortalyǵy rezervtik qordy Qazaqstan Respýblıkasynyń ekinshi deńgeıli bankinde osy maqsattar úshin arnaıy qurylatyn banktik shotqa aqsha aýdarý jolymen qalyptastyrady.
4. Rezervtik qor Qazaqstan Respýblıkasynyń ulttyq valıýtasymen qalyptastyrylady.
5. Rezervtik qordyń kólemi qarjy-esep aıyrysý ortalyǵynyń jańartylatyn energııa kózderin paıdalaný obektilerinen elektr energııasyn satyp alýǵa jumsalatyn jyldyq shyǵyndary kóleminiń úsh paıyzyn quraýy tıis.
6. Qarjy-esep aıyrysý ortalyǵy Qazaqstan Respýblıkasy Energetıka mınıstriniń 2015 jylǵy 20 aqpandaǵy №118 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 10622 bolyp tirkelgen) Jańartylatyn energııa kózderin qoldaýǵa arnalǵan tarıfti aıqyndaý qaǵıdalarynyń (budan ári - JEK-ti qoldaýǵa arnalǵan tarıfti aıqyndaý qaǵıdalary) 4 jáne 6-tarmaqtaryna sáıkes jańartylatyn energııa kózderin paıdalanatyn energııa óndirýshi uıymdar men ýákiletti organ beretin aqparat negizinde jyl saıyn 30 jeltoqsanǵa deıin:
elektr energııasyn tutyný aımaqtary boıynsha jańartylatyn energııa kózderin paıdalanatyn energııa óndirýshi uıymdar jańartylatyn energııa kózderinen óndiretin elektr energııasyn satyp alýǵa jumsalatyn shyǵyndardy boljamdy jylǵa esepteýdi;
boljamdy jylǵa elektr energııasyn tutyný aımaǵy boıynsha rezervtik qor qalyptastyrýǵa jumsalatyn shyǵyndar esebin myna formýla boıynsha esepteýdi:
ZRQ = Ztirk h Z% - ZRQ.pp, , munda
ZRQ -Zi tutyný aımaǵyna jatatyn boljamdy jyldyń rezervtik qoryn qalyptastyrýǵa jumsalatyn shyǵyndar;
ZRQ.pp - boljamdy jyldyń basynda rezervtik qordy qalyptastyrýǵa jumsalatyn shyǵyndar;
Ztirk - qarjy-esep aıyrysý ortalyǵynyń JEK-ti qoldaýǵa arnalǵan tarıfti aıqyndaý qaǵıdalaryna sáıkes anyqtalatyn Zi tutyný aımaǵynda jańartylatyn energııa kózderin paıdalaný obektileri óndiretin elektr energııasyn satyp alýǵa jumsalatyn jyldyq shyǵyndary;
3% - qarjy-esep aıyrysý ortalyǵynyń jańartylatyn energııa kózderin paıdalaný obektilerinen elektr energııasyn satyp alýǵa jumsalatyn jyldyq shyǵyndary kóleminen rezervtik qordyń kólemi;
Zi - tutyný aımaǵy.
7. Osy Qaǵıdalardyń 6-tarmaǵy 2) tarmaqshasynda kórsetilgen rezervtik qordy qalyptastyrýǵa jumsalatyn shyǵyndardy qarjy-esep aıyrysý ortalyǵy JEK-ti qoldaýǵa arnalǵan tarıfti aıqyndaý qaǵıdalaryna sáıkes jańartylatyn energııa kózderin qoldaý tarıfinde esepke alady.
8. Rezervtik qordy qalyptastyrýǵa jumsalatyn shyǵyndar esep aıyrysý derekteriniń ózgerýine qaraı aı saıyn túzetýge jatady.
9. Jańartylatyn energııa kózderin paıdalanatyn energııa óndirýshi uıymdar aı saıyn jetkizý aıyna deıingi on kúntizbelik kún ishinde qarjy-esep aıyrysý ortalyǵyna aǵymdaǵy jyldyń sońyna deıin elektr energııasyn óndirý, jelige bosatýdyń boljamdy kólemderi týraly aqparat beredi.
10. Qarjy-esep aıyrysý ortalyǵy eseptik aıdyń aldyndaǵy aıdyń rezervtik qordy qalyptastyrýǵa arnalǵan boljamdy jáne naqty qalyptasqan shyǵyndar arasyndaǵy aıyrmany aıqyndaıdy.
Eger de rezervtik qordy qalyptastyrýǵa arnalǵan boljamdy shyǵyndar eseptik aıdyń aldyndaǵy aıda rezervtik qordy qalyptastyrýǵa qajetti naqty shamadan kem nemese kóp bolsa, qarjy-esep aıyrysý ortalyǵy qaıta esepteý júrgizedi jáne osy aıyrmany aǵymdaǵy kúntizbelik jyldyń sońyna deıin qalǵan kezeńge qaıta bóledi.
Osy tarmaqtyń erejeleri kúntizbelik jyldyń sońǵy aıyna qoldanylmaıdy.
11. Qarjy-esep aıyrysý ortalyǵy aı saıyn eseptik aıdyń on besine deıin osy Qaǵıdalardyń 9 jáne 10-tarmaqtarynda kórsetilgen esep aıyrysý derekteri negizinde aǵymdaǵy kúntizbelik jyldyń aıaǵyna deıin qalǵan kezeńge rezervtik qordy qalyptastyrý shyǵyndaryna túzetý júrgizedi jáne osy aqparatty jańartylatyn energııa kózderin qoldaýǵa arnalǵan tarıfti túzetý kezinde esepke alady.
3-taraý.
Rezervtik qordy paıdalaný tártibi
12. Rezervtik qordyń aqshasyn qarjy-esep aıyrysý ortalyǵy tek qana kassalyq alshaqtyqtardy jáne qarjy-esep aıyrysý ortalyǵynyń jańartylatyn energııa kózderin paıdalanatyn energııa óndirýshi uıymdar aldyndaǵy, shartty tutynýshylar tarapynan jańartylatyn energııa kózderin paıdalaný obektileri óndirgen elektr energııasyn jetkizgeni úshin tólem júrgizilmeýi nemese keshiktirilýi saldarynan týyndaǵan bereshegin óteýge jumsaıdy.
13. Qarjy-esep aıyrysý ortalyǵy shartty tutynýshylar úshin Zańda belgilengen tólem júrgizý merzimi aıaqtalǵannan keıin on bes jumys kúninen keshiktirmeı aı saıyn kassalyq alshaqtyq shamasyn anyqtaıdy jáne rezervtik qordyń aqshasyn atalǵan kassalyq alshaqtyqty jabý úshin paıdalanady.
14. Rezervtik qordyń qarjy-esep aıyrysý ortalyǵy kassalyq alshaqtyqty jabý úshin paıdalanǵan aqshalaı qarajattar qaıtarylady jáne shartty tutynýshylardan kelip túsken aqshalaı qarajat esebinen rezervtik qordyń arnaıy banktik shotyna esepke alynady.
15. Qarjy-esep aıyrysý ortalyǵy «Aýdıtorlyq qyzmet týraly» Qazaqstan Respýblıkasynyń Zańyna sáıkes jyldyq qarjylyq eseptemege aýdıt júrgizýge jáne ony ýákiletti organǵa usynýy tıis.
Buıryq Qazaqstan Respýblıkasynyń Ádilet mınıstrliginde 2016 jylǵy 6 qyrkúıekte Normatıvtik quqyqtyq kesimderdi memlekettik tirkeýdiń tizilimine №14210 bolyp engizildi.
