Rezeńke qaıyǵy tesilgen balyqshy qutqaryldy
PAVLODAR. QazAqparat - Ýsolka sý aıdynynda ornalasqan Tasbaqa aralynda balyqshynyń rezeńke qaıyǵy tesilip, qıyn jaǵdaıǵa ushyraǵan, dep habarlaıdy pavlodarnews.kz.
Bul týraly oblystyq TJD jedel-qutqarý jasaǵy málim etti.
«Saǵat keshki alty jarym shamasynda kezekshiliktiń 112 nómirine tótenshe jaǵdaı týraly habarlama kelip tústi. Shuǵyl túrde bólimshe basshysy Aleksandar Noskov pen qutqarýshylar, jedel top oqıǵa oryn alǵan aımaqqa qaraı attandy. Nátıjesinde 1981 jylǵy er azamattyń rezeńke qaıyǵy tesilip qalǵany anyqtaldy. Qutqarýshylar er adamdy barlyq zattarymen jaǵaǵa jetkizdi», - deıdi departamentte.
Mamandardyń aıtýynsha, mundaı oqıǵa kóktemgi jáne kúzgi ýaqytta jıi tirkeledi. Sebebi, kún qysqa bolǵandyqtan balyqshylar qas qaraıǵanǵa deıin qalyp qoıyp, qaıyqtaryn aǵashtarǵa soǵyp tesip alady. Osyǵan baılanysty TJD jedel-qutqarý jasaǵy áýesqoı balyqshylardy túngi balyq aýlaýdan bas tartýǵa shaqyrady, sebebi Ertis ózenindegi sý deńgeıi aıtarlyqtaı tómendegen.
