Reıtıngti qýyp, qurylysty baqylaýdan tys qalyp júrmelik - Májilis tóraǵasy
ASTANA. QazAqparat - Májilis tóraǵasy Nurlan Nyǵmatýlın Ulttyq ekonomıka mınıstrligi usynǵan kásipkerlik qyzmetti retteýdi jetildirý máseleleri boıynsha zań jobasyn ekinshi oqylymǵa deıin jiti zertteýdi tapsyrdy, dep habarlaıdy «QazAqparat» HAA tilshisi.
Aıta ketsek, Ulttyq ekonomıka mınıstri búgingi Parlament Májilisiniń otyrysynda QR Ulttyq ekonomıka mınıstri Tımýr Súleımenov kásipkerlik qyzmetti retteýdi jetildirý máseleleri týraly zań jobasy boıynsha baıandama jasaǵan bolatyn. Mınıstr Qazaqstanda bıznesti memlekettik qadaǵalaýdyń jańa ınstıtýtyn engizýdi usyndy. Usynys boıynsha tyń ınstıtýttyń qazirgi qoldanystaǵy júıeden artyqshylyǵy - ákimshilik óndirissiz quqyq buzýshylyqtyń aldyn alý men eskertý bolyp tabylady.
«Zań jobasyn qaradym. Tımýr Serikuly (QR Investıtsııalar jáne damý vıtse mınıstri -avt.) men bilsem qurylystyń barlyq standarttaryna sizder jaýaptysyzdar. Solaı ǵoı... Qarańyzdar, jeke turǵyn úı salýda barlyq qadaǵalaýdy alyp tastaýdy surap otyrsyzdar. Álbette, Ulttyq ekonomıka mınıstrligi sizderdi qysyp, reıtıngte ósýdi oılap otyrýy múmkin. Ár túrli mınıstrlikter de eki-úsh baqylaýdy alyp tastaýdy kózdeýi yqtımal», - deıdi Májilis tóraǵasy.
Nurlan Nyǵmatýlın paıymyn shegeleı tústi.
«Zań jobasy aıasynda biz jeke turǵyn úı salýda barlyq qadaǵalaýdy alyp tastadyq delik. Meniń túsinbeı turǵanym - memlekettik úılerdi salyp jatyrmyz, onda bizdiń azamattar turyp jatyr. Biz olardyń qaýipsizdigin oılap otyrmyz. Al jeke turǵyn úılerde turǵandar - bizdiń azamattar emes pe!? Bizde munda Tótenshe jaǵdaılar boıynsha vıtse-mınıstr bar ma? Al sizder buǵan qalaı qaraısyzdar? Erteń birdeńe bolyp jatsa, sizder ol orynǵa kelip alyp, kezinde qurylystyń durys júrgizilmegenin alǵa tartasyzdar ǵoı...», - dep Nurlan Nyǵmatýlın QR ІІM Tótenshe jaǵdaılar komıtetine saýal joldady.
Óz kezeginde QR Іshki ister mınıstriniń orynbasary ıÝrıı Ilın zań jobasyn ázirleý jumysyna óz vedomstvosynyń múlde qatyspaǵanyn alǵa tartty.
«Mine kórdińizder me? Kelesi jaǵdaıdy keltireıin. Jeke turǵyn úı degen neni bildiredi? Bir nemese eki qabatty úı bolsa birsári. Kúni erteń toǵyz qabatty jeke turǵyn úıler de baqylanbaıtyn sanatqa kirip ketýi múmkin. Ol da aınalyp kelgende baqylaý júrgizýden tys qalady. Aqyr aıaǵy ne bolady? Kúni erteń olar «kartondy úıler» bolyp shyǵa kelgende biz bolsaq «reıtıngti qýyp olardan baqylaýdy alyp tastaǵanbyz» dep aıtamyz ba?! Tımýr Serikuly bálkim ekinshi oqylymǵa deıin zań jobasyn qaıta qaraý kerek shyǵar. Reıtıngti qýyp, ásirese seısmıkalyq qaýipti aımaqtardaǵy qurylysty qadaǵalaýdan qalyp qalmaıyq», - dep túıdi Májilis tóraǵasy.
