Reısterdiń kestesinde ózgeris bolýy múmkin — Air Astana

ASTANA. KAZINFORM – Taıaý Shyǵystaǵy jaǵdaıdyń ýshyǵýyna baılanysty Iran men Irak áýe keńistigin japty. Osy máselege qatysty Air Astana kompanııasy reıster áýe keńistigin aılanyp ushatynyn habaralady.

— Air Astana toby Iran men Irak áýe keńistiginiń jabylýyna baılanysty keıbir Air Astana jáne FlyArystan turaqty jáne charterlik reısteriniń baǵytyndaǵy ózgerister týraly jolaýshylardy habardar etedi. Sharm-el-Sheıh, Dýbaı, Doha, Manama jáne Medınaǵa reıster Iran men Irak áýe keńistigin aılanyp ushady. Air Astana jaǵdaıdy muqııat baqylaıdy jáne keıingi ózgerister týraly habardar etedi. Jolaýshylardan reısterdiń mártebesin tekserýdi suraımyz, sebebi reısterdiń kestesinde ózgertýler bolýy múmkin, — delingen habarlamada.

Eske sala keteıik, búgin túnde Izraıl Iranǵa soqqy berip, áýe keńistigin jaýyp tastady.

Osy jaǵdaıǵa baılanysty Tel-Avıvtegi QR elshiligi Izraıldegi Qazaqstan azamattaryna úndeý jasady.