Reısti jıi keshiktiretin TOP-3 sebep

Astana halyqaralyq áýejaıynyń baspasóz qyzmeti statıstıkalyq aqparatty qoldana otyryp, reısterdi keıinge qaldyrǵan TOP 3 sebepti anyqtady, dep habarlaıdy Kazinform.

11-15 jeltoqsan aralyǵynda Astana halyqaralyq áýejaıynan ishki jáne halyqaralyq baǵytta 341 reıs oryndaý josparlanǵan.

Osy aptada elordada qolaısyz aýa raıy ornap, termometr baǵany — 30 gradýs aıazdy (jeldiń áserimen -44) kórsetti.

Saldarynan josparlanǵan reıstiń 152-si túrli sebeppen keshiktirildi.

Birinshi sebep: Ushaqtyń Astana halyqaralyq áýejaıyna kesh kelýi. Osyndaı sebeppen 5 kún ishinde 96 reıs keshikken. ıAǵnı áýe kompanııalarynyń ushaqtary Astanadan belgilegen baǵytqa ushpas buryn, onan aldyńǵy reısten kesh keledi de, ushaqty qaıta jaraqtaý, tazalaý, janar-jaǵarmaı quıýǵa biraz ýaqyt jumsap, belgilengen ýaqytta ushýǵa úlgermeı jatady.

Ekinshi sebep: Ushaqty qardan ne muzdan tazartý, muzǵa qarsy suıyqtyqpen óńdeýge uzaq ýaqyt qajet bolǵandyqtan 17 reıstiń ýaqyty ózgergen. Astana halyqaralyq áýejaıynda muzǵa qarsy suıyqtyqtyń 2 túri qoldanylady. 

Úshinshi sebep: Jaısyz aýa raıy. 11-15 jeltoqsan aralyǵynda aýa raıy qolaısyz bolyp, elorda áýejaıyndaǵy 12 reıs keshikken.

Reıstiń keıinge qaldyrylýyna ne keshigýine sebep bolatyn jaǵdaılar ártúrli. Máselen 5 kún ishinde 10 reıs ushaqtaǵy túrli aqaýǵa baılanysty keshikken. Kóp jaǵdaıda ushaq qozǵaltqyshtary der kezinde iske qosylmaı qalǵan.

Bul tizimge reıske belgilengen ushaqtyń aýysýy, ekıpaj músheleriniń tolyq bolmaýy, jolaýshylardy otyrǵyzý kezinde qaıta túgendeý, tizimdi naqtylaý sııaqty ózge de sebepterdi qosýǵa bolady.

Astana — Ulan Batordan keıingi álemdegi eń sýyq astana. Sondyqtan qolaısyz aýa raıynda reıster keshigedi. Alaıda barlyq jolaýshy «Qazaqstan Respýblıkasynyń áýe keńistigin paıdalaný jáne avıatsııa qyzmeti týraly» zańynyń 86-babynda tasymaldaýshynyń reıs bolmaǵan nemese kidirgen kezdegi jolaýshy aldyndaǵy jaýapkershiligi negizinde ózine tıesili qyzmetterdi tolyǵymen alýǵa quqyly.